Teatrdyń baspasóz qyzmetiniń habarlaýynsha, fortepıano partııasyn Mádenıet qaıratkeri, professor, Qazaq ulttyq óner ýnıversıteti Fortepıano kafedrasynyń meńgerýshisi Sara Asabaeva oryndaıtyn bolady.
«Baǵdarlama ár dáýirdegi sazgerler týyndylarynyń san-alýandyǵyn kórsete alatyndaı etip tańdaldy. Konsertimiz «EKSPO-2017» kórmesi aıasynda ótýine oraı, ony erekshe etý maqsatynda, bizdiń qonaqtarymyz ben turaqty tyńdarmandarymyzǵa jańasha lep bolatyn, sırek oryndalatyn shyǵarmalardy repertýarǵa qosýǵa tyrystyq. Osy keshte fransýz, qazaq, armıan, tatar, orys jáne taǵy basqa kompozıtorlardyń mýzykalary shyrqalatyn bolady», - dedi «Daryn» Memlekettik jastar syılyǵynyń laýreaty, TMD «Debıýtter dostastyǵy» Halyqaralyq júldesiniń laýreaty Azamat Jyltyrkózov.
Ánshiniń ózi Erevandaǵy Aram Hachatýrıan atyndaǵy HIII Halyqaralyq baıqaý (ekinshi oryn) syndy mártebeli vokaldyq saıystarda óner kórsetip, sáttilik pen júldeli oryn alyp, sondaı-aq orys kompozıtory arııalarynyń, halyq ánderiniń jáne Tıgran Chýhadjıannyń «Arshak Ekinshi» operasy arııalarynyń úzdik ınterpretatory retinde arnaıy úsh syı ıelengen kompozısııalaryn pash etpek. Sonymen qatar bul keshte usynylatyn arııalardy keremet oryndaǵany úshin qazaqstandyq solıst Rýstem Iаhın atyndaǵy IV Halyqaralyq baıqaý men G.V. Svırıdov atyndaǵy Halyqaralyq dodanyń birinshi júldelerine qol jetkizgen bolatyn. Osylaısha, tyńdaýshylar nazaryna G.V. Svırıdovtyń «Otchalıvshaıa Rýs» toptamasynan týyndylar, armıan kompozıtory Komıtas shyǵarmalary jáne basqa da kompozısııalar usynylmaq.
Q. Jumakenov atyndaǵy fleıtashylar ansambli de kórermen qaýymǵa kóptegen tosynsyı ázirlegen. Atap óter bolsaq, tanymal ujym mýzykanttarynyń ınterpretasııalary óziniń tereń mánimen ári shynaıylyǵymen jurtty tánti etýde.
