Úkimet • 13 Tamyz, 2017

Úkimet úıinde Qazaqstan-Belarýs yntymaqtastyǵy týraly kelisimderge qol qoıý rásimi ótti

240 ret

kórsetildi

1 mın

oqý úshin

Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev pen Qazaqstanǵa jumys saparymen kelgen Belarýs Respýblıkasynyń Premer-Mınıstri Andreı Kobıakovtyń qatysýymen birqatar ekijaqty kelisimderge qol qoıý rásimi ótti. Bul týraly primeminister.kz habarlady.

Egemen Qazaqstan

Úkimet úıinde Qazaqstan-Belarýs yntymaqtastyǵy týraly kelisimderge qol qoıý rásimi ótti

Qazaqstan men Belarýs Úkimetteriniń arasyndaǵy rásim kezinde beıbit maqsattarda ǵarysh keńistigin zertteý men paıdalaný salasynda yntymaqtastyq ornatý týraly kelisimge qol qoıyldy.

Budan ózge, Qazaqstannyń Syrtqy saýda palatasy men Belarýs Saýda-ónerkásiptik palatasy arasyndaǵy yntymaqtastyq týraly kelisimge qol qoıyldy.

Qazaqstandyq «Habar» agenttigi men belarýstik «Belteleradıokompanııasy» arasynda jeke kelisimge qol qoıyldy.

QR qorǵanys jáne aeroǵarysh ónerkásibi mınıstri B. Atamqulov, BR Ulttyq ǵylym akademııasynyń tóralqa tóraǵasy V. Gýsakov, Qazaqstannyń Syrtqy saýda palatasynyń basqarma tóraǵasy A. Erenov, Belarýs Saýda-ónerkásiptik palatasynyń tóraǵasy V. Ýlahovıch, «Habar» agenttiginiń basqarma tóraıymy A. Ahmetjanova men «Belteleradıokompanııa» tóraǵasy G. Davydko kelisimderge qol qoıdy.