- Jattyǵýlar ádettegideı bir qalypty júrip jatyr. Oıynshylardyń barlyǵy qatarda. Bul kezdesý bizge ońaı bolmaıtyny anyq. Soǵan qaramastan shákirtterim Chempıondar lıgasynyń toptyq kezeńine ótedi degen úmittemin.
- Qazaqstan premer-lıgasynyń sońǵy «Ordabasy» jáne «Aqtóbemen» bolǵan matchtarda negizgi quramnyń birqatar fýtbolshylaryn kóre almaǵan edik. Olardyń jaı-kúıi qalaı? «Seltıkpen» bolatyn oıynǵa qatyspaıtyndar bar ma?
- Djordje Despotovıchtiń oıynǵa júz paıyz qatyspaıtyny belgili boldy. Al Marın Anıchıch matchqa deıin qatarǵa qosylyp ketedi degen úmit bar.
- О́tken maýsymda «Seltıkpen» bolǵan oıyndaǵy tóreshiler sheshimi ádil boldy deı alasyz ba?
- Tóreshiler týraly eshteńe aıta almaımyn. «Astana» óz alańynda myqty bolǵanymen, qarymta kezdesýde «Seltık» Glazgoda bir bas joǵary oınady. Biz tóreshiler sheshimimen sanaspaımyz, qalaı qabyldady, solaı bolady. Al erteńgi oıynda bolatyn tóreshilerdiń jumysyna rıza bolamyz degen oıdamyn.
- Erteńgi oıynnyń atmosferasyna baılanysty komandańyzǵa qandaı talap qoıyp otyrsyz?
- О́tken jyly oıynshylarymyzdy emosııa qurtqan bolatyn. Erteńgi oıynda báriniń jaqsy bolatyndyǵyna senimdimin. Bul eki oıynnan turatyn kezdesýdiń tek birinshi matchtan ǵana ekenin esten shyǵarmaýymyz kerek emes.
- ÝEFA Chempıondar lıgasynyń toptyq kezeńine shyqsańyzdar, ol qazaq fýtbolyna ne beredi, qandaı nátıje alyp keledi?
- Qazaq fýtbolynyń qandaı da bir nátıje alyp keletinin dál basyp aıtý qıyn. Eýropa boıynsha esepke alsaq, dál qazir «Astananyń» koeffısıenti óte tómen. «Legııamen» bolǵan oıynnan keıin komandadaǵy jigitterge Qazaqstan fýtbolyna úlken tóńkeris jasaǵanymyzdy aıttym.
- Erteńgi oıynda «Astana» úshin qandaı esep qolaıly, nátıjeli dep oılaısyz?
- Kelesi beısenbi kúni ótetin ÝEFA Chempıondar lıgasy toptyq kezeńiniń jerebe tartý rásimine qatysatyn bolsaq boldy, bizdi kez kelgen esep qanaǵattandyrady. «Astana» basshylyǵynyń negizgi maqsaty – eýrokýboktardyń toptyq kezeńine joldama alý.
