«Biz mazmundy kelissózder ótkizip, Saıası deklarasııaǵa qol qoıdyq. Al endi osy qujatta ekijaqty kún tártibindegi eń mańyzdy aspektiler, sonymen qatar budan buryn josparlanǵan vızalyq talaptardan bosatý jónindegi kelisimge qol qoıý kórsetilgen. Sondaı-aq, áńgime barysynda halyqaralyq kún tártibindegi ózekti máseleler de talqylanyp, Bolıvııanyń EKSPO-2017 kórmesine qatysýy sóz boldy. Sol sııaqty taraptar arasyndaǵy saýda kólemin arttyrý men onyń qurylymdyq ártaraptandyrylýyna, ekonomıkalyq baǵyt pen energetıka salalaryndaǵy is-qımyldy damytýǵa ýaǵdalastyq», – dedi Q.Ábdirahmanov.
О́z kezeginde sóz alǵan Bolıvııanyń syrtqy ister mınıstri Fernando Ýanakýnı Qazaqstanǵa jasaǵan bul sapary óte sátti ótkenin tilge tıek etti.
«Qazaqstan men Bolıvııa arasyndaǵy qashyqtyq dostyq peıilimiz ben senimdi seriktestigimizdiń nyǵaıýyna eshqandaı da keri áserin tıgizbeıdi dep sanaımyn. Baıqasaq, bizdiń aramyzda eki el qarym-qatynasynyń jańa deńgeıge kóterilýine sep bolarlyqtaı uqsastyqtar óte kóp eken. Tipti halyqtar arasyndaǵy turmys-salt pen bolmys-bitimindegi názik ıirimderinen bólek, Qazaqstan men Bolıvııanyń syrtqy saıasattaǵy maqsat-múddeleri de ózara úndesip jatqany sózsiz», dedi F.Ýanakýnı.
Nurlybek DOSYBAI,
«Egemen Qazaqstan»
