Koorparatıvtik klıenttermen 7 jyl boıy tabysty jumys istegen soń bank ıslamdyq qarjy quraldaryn jeke tulǵalarǵa qoljetimdi etý maqsatymen naryqtyń jeke tulǵalarǵa qyzmet kórsetý salasyna shyqty. Zamanaýı jáne jaıly stılde rásimdelgen keńse halyqaralyq deńgeıdegi klıenttik qyzmet kórsetýdi kózdegen. Aldaǵy ýaqytta búkil el aýmaǵy boıynsha onlaın-servıs arqyly qyzmet kórsetý josparlanyp otyr. Qazirgi ýaqytta bank klıentteri depozıt, karta ónimderin, kassalyq-esep aıyrysý qyzmetterin paıdalana alady. Bank usynatyn ınvestısııalyq depozıtter Qazaqstan naryǵy úshin jańa jáne biregeı ónim ekenin eskergen jón. Klıentterdiń qajettilikterin eskere kele, jýyq arada jeke tulǵalardy qarjylandyrý baǵdarlamasyn iske qosý josparlanyp otyrǵan kórinedi.
– Qazaqstandaǵy ıslamdyq qarjylandyrýdyń odan ary damı túsýine jáne onyń jeke tulǵalar úshin qoljetimdi bolýyna yqpaldasý maqsatynda biz jeke tulǵalarǵa arnalǵan ónimderdi iske qosyp, Almatyda alǵashqy fılıalymyzdy ashtyq. Islamdyq qarjylandyrý sektory jylyna 15% ósimmen, ǵalamdyq qarjylyq júıedegi eń jyldam damýshy sala bolyp qalýda. Qazaqstanda ıslamdyq qarjylandyrýdyń áleýeti zor. Qazaqstandaǵy ıslamdyq bankıng flagmany retinde biz ıslamdyq qarjylyq quraldardyń artyqshylyqtaryn túsindirip, onyń óńirdegi bechmarkıngin qurýdy maqsat ettik. – deıdi «Al Hilal» Islam Banki» AQ basqarma Tóraǵasy Gordon Haskıns.
Islamdyq bankıngtiń dástúrli bankıngten negizgi aıyrmashylyǵy – ıslam bankiniń qyzmeti Sharıǵat zańdylyqtaryn basshylyqqa alady. Mundaı ádis seriktestik qarym-qatynastarǵa negizdelgen. Sarapshylar ıslamdyq banktik ónimder dinı senimine qaramastan, barlyq adamdar úshin qoljetimdi ekenin aıtady. Alynatyn tabys óndiriske jáne saýdaǵa ınvestısııalaýmen baılanysty bolýy, al barlyq qarjylyq operasııalar naqty aktıvtermen dáleldenýi tıis. Mamandardyń aıtýynsha, retteýshi organdardan basqa banktiń qyzmetin ıslamdyq quqyqtaný, qarjy, banktik is salasynda bilimi bar halyqaralyq tájirıbesine súıenetin ǵalymdardan quralǵan Sharıǵat Keńesi qadaǵalap otyrady.
Arman OKTIаBR,
«Egemen Qazaqstan»
ALMATY
