Astana jumyssyzdyq deńgeıi boıynsha respýblıkada eń tómengi kórsetkishpen kósh bastap tur. 1 tamyzǵa deıingi jaǵdaı boıynsha 10 myń jańa jumys orny ashylǵan, olardyń qatarynda shaǵyn jáne orta bıznes te bar.
– Halyqaralyq mamandandyrylǵan EKSPO-2017 kórmesin ótkizý barysynda Astana qalasy ákimdiginiń Halyqty jumyspen qamtý ortalyǵyna 4 012 turǵyn jumysqa ornalastyrý ótinishimen keldi. Olardyń 2409-y jumyssyzdyqtan áleýmettik qorǵaýmen qamtyldy. Jumys berýshiler arasynda qonaq úı mamandyqtary boıynsha suranys ósken, bul – aspaz, qonaq úı bıznesiniń menedjeri, gıd-aýdarmashylar, qyzmet kórsetýshiler. Mysaly, bizdiń ortalyq arqyly EKSPO-2017 kórmesi aýmaǵyndaǵy jańa «Hilton» qonaq úıine 100 adam jumysqa turdy, – dep habarlady Astana ákimdiginiń jumyspen qamtý ortalyǵy baspasóz qyzmetiniń basshysy Aıajan Aıtjanova.
Resmı málimetterge sáıkes, atalǵan departament statıstıkasy boıynsha 2017 jyldyń II toqsanynda Astanada jumyssyzdyq deńgeıi 4,5% quraǵan (jyldyq jospar boıynsha 4,7%).
