Oblystyq aýyl sharýashylyǵy basqarmasynyń málimetinshe, EKSPO-ǵa arnalǵan merekelik jármeńkege 100-den astam kásiporyn men sharýa qojalyǵy qatysýda. Olardyń ishinde, halyqqa sapaly ónimderimen tanylyp úlgergen «Rýbıkom» JShS, «Jana Rosa» AQ, «KEMMI» JShS, «Aqjar – О́ndiris» JShS, «REGTaım» ShQ, «Krendel» ShQ, «Zernograd» JShS, «Galıskoe» JShS, «Sharbaqty Qus» JShS, «Pobeda» JShS, «Aqtoǵaı Agro» JShS jáne basqalary bar. Astanaǵa 45 tonna et jáne et ónimderi, 200 tonna kartop, 90 tonna kókónis jáne 100 tonnadan asa aýylsharýashylyǵy ónimi jetkizilip, saýdalanýda.
19 tamyz kúni saǵat 18:00-de jáne 20 tamyz saǵat 11:00-de «Qazanat» ıppodromynda aýdaryspaq, teńge alý, qazaqsha kúres, kókpar, toǵyzqumalaq, jamby atý, tas kóterý syndy ulttyq sport túrleri boıynsha sporttyq-buqaralyq sharalar, sondaı-aq qusbegi jáne tazy kórmeleri, sonymen qatar Pavlodar oblysynyń shyǵarmashylyq ujymdarynyń konserttik baǵdarlamasy ótedi.
Farıda Byqaı,
«Egemen Qazaqstan»
Foto: Valerıı Býgaev
