Eńseli bilim ordasynda áskerı kafedra jıyrma jyldan beri jumys isteıdi. Bıyl onyń qabyrǵasynan ofıser qyzdar birinshi ret túlep ushty.
«Osydan eki jyl buryn áskerı kafedraǵa qyzdar da qabyldanǵan bolatyn. Osy ýaqyt bederinde olar ózderin psıhologııalyq, taktıkalyq sheberligi, atys qarýlaryn meńgerý jaǵynan joǵary daıyndyqtaryn kórsete bildi. Memlekettik synaq emtıhandarynan múdirmeı ótti», – dedi ant qabyldaý rásiminde sóılegen sózinde áskerı kafedranyń meńgerýshisi, polkovnık Sovet Áljaparov.
Leıtenet shenin alyp shyqqandardyń biri Dıana Jetpisovanyń aıtýynsha, ant qabyldaý, Otanǵa qyzmet etý ol úshin basty murat bolyp tabylady. Karına Aıtmaǵanbetova jas kezinen áskerı qyzmetker bolýdy armandapty. Áskerı ázirliktiń talaptarynan oıdaǵydaı ótken ol áskerı psıholog bolýdy maqsat etip otyr.
О́mir Esqalı,
«Egemen Qazaqstan»
Soltústik Qazaqstan oblysy
