Astana Pro Team baspasóz qyzmetiniń jetekshisi Dına Ibraevanyń aıtýynsha, reseılik telejúrgizýshi Astanaǵa kelmegen, ol jaı ǵana velosportpen shuǵyldanatynyn jáne jattyǵý kezinde «Astana» komandasynyń jeıdesin kıetinin kórsetti.
«Ivan velosıpedpen júrýdi jaqsy kóredi. Ol Aleksandr Vınokýrovpen jaqsy qarym-qatynasta. Meniń oıymsha, ol jaı ǵana qazaqstandyq komandanyń jeıdesin kıgisi keldi. «Astana» komandasynyń, Aleksandr Vınokýrovtyń jáne jalpy velosporttyń jankúıeri bolǵandyqtan, osy jeıdeni alǵan bolýy kerek, – deıdi Astana Pro Team baspasóz qyzmetiniń jetekshisi. – Munda tań qalarlyq eshteńe joq. Ol jaı ǵana jattyǵýlarynyń birinde túsken sýretin jelige jarııalaǵan. Ivan jattyǵý jasap júrgende osy jeıdeni kıip, sol arqyly bizdiń komandaǵa qoldaý bildiredi».
Eske sala keteıik, «Vechernıı Ýrgant» baǵdarlamasynyń júrgizýshisi Ivan Ýrgant óziniń ınstagramdaǵy paraqshasyna «Astana» velokomandasynyń jeıdesinde túsken sýretin jarııalap, astyna «qazaq kvatrochentosy #avtobýs kútip otyrmyn» dep jazdy. Bul sýret eki saǵattyń ishinde 100 myńnan astam laık jınap, onyń astyna 500-ge jýyq pikir jazyldy.
