Qazaqstan Respýblıkasy Tabıǵı monopolııalardy retteý agenttiginiń buıryǵy №298-nq

2011 jylǵy 28 qyrkúıek Astana qalasy «Táýlik zonalary boıynsha jáne (nemese) ony jeke tulǵalardyń tutyný kólemine qaraı elektr energııasyna arnalǵan tarıfterdi energııamen jabdyqtaýshy uıymdardyń saralaý erejesin bekitý týraly» Qazaqstan Respýblıkasy Tabıǵı monopolııalardy retteý agenttigi tóraǵasynyń 2009 jylǵy 20 aqpandaǵy № 57-NQ buıryǵyna tolyqtyrýlar engizý týraly «Elektr energetıkasy týraly» Qazaqstan Respýblıkasy Zańynyń 7-babynyń 1) tarmaqshasyna sáıkes buıyramyn: 1. «Táýlik zonalary boıynsha jáne (nemese) ony jeke tulǵalardyń tutyný kólemine qaraı elektr energııasyna arnalǵan tarıfterdi energııamen jabdyqtaýshy uıymdardyń saralaý erejesin bekitý týraly» Qazaqstan Respýblıkasy Tabıǵı monopolııalardy retteý agenttigi tóraǵasynyń 2009 jylǵy 20 aqpandaǵy № 57-NQ buıryǵyna (Normatıvtik quqyqtyq aktilerdi memlekettik tirkeý tiziliminde № 5602 nómirmen tirkelgen, «Zań gazeti» gazetiniń 2009 jylǵy 10 sáýirdegi № 53 (1650) nómirinde jarııalanǵan) mynadaı tolyqtyrýlar engizilsin: kórsetilgen buıryqpen bekitilgen Táýlik zonalary boıynsha jáne (nemese) ony jeke tulǵalardyń tutyný kólemine qaraı elektr energııasyna arnalǵan tarıfterdi energııamen jabdyqtaýshy uıymdardyń saralaý erejesinde: 31-tarmaq birinshi bólikten keıin mynadaı mazmundaǵy bólikpen tolyqtyrylsyn: «Eki deńgeıli tarıfterdi qoldaný kezinde elektr plıtalaryn paıdalanatyn jeke tulǵalarǵa tıisti óńirdiń jylýmen jabdyqtaýshy, gazben jabdyqtaýshy uıymdary nemese jergilikti atqarýshy organy aqparatynyń negizinde ortalyqtandyrylǵan ystyq sýmen jabdyqtalmaǵan úılerdiń turǵyndary jáne ortalyqtandyrylǵan gazben jabdyqtaý júıesi jumys istemeıtin buryn gazdandyrylǵan úılerdiń turǵyndary teńesedi.»; 37-1-tarmaq ekinshi bólikten keıin mynadaı mazmundaǵy bólikpen tolyqtyrylsyn: «Úsh deńgeıli tarıfterdi qoldaný kezinde elektr plıtalaryn paıdalanatyn jeke tulǵalarǵa tıisti óńirdiń jylýmen jabdyqtaýshy, gazben jabdyqtaýshy uıymdary nemese jergilikti atqarýshy organy aqparatynyń negizinde ortalyqtandyrylǵan ystyq sýmen jabdyqtalmaǵan úılerdiń turǵyndary jáne ortalyqtandyrylǵan gazben jabdyqtaý júıesi jumys istemeıtin buryn gazdandyrylǵan úılerdiń turǵyndary teńesedi.». 2. Qazaqstan Respýblıkasy Tabıǵı monopolııalardy retteý agenttiginiń aýmaqtyq organdary osy buıryqtyń 1-tarmaǵynyń tórtinshi abzasynda kózdelgen jaǵdaılar oryn alǵan buryn qabyldanǵan sheshimderge ózgerister engizsin. 3. Qazaqstan Respýblıkasy Tabıǵı monopolııalardy retteý agenttiginiń Elektr jáne jylý energetıkasy salasyndaǵy retteý departamenti (Q.T. Kókkózova) osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin. 4. Qazaqstan Respýblıkasy Tabıǵı monopolııalardy retteý agenttiginiń Ákimshilik jumysy departamenti (R.E. Súleımenova) osy buıryqty Qazaqstan Respýblıkasynyń Ádilet mınıstrliginde memlekettik tirkelgennen keıin: 1) ony buqaralyq aqparat quraldarynda belgilengen tártippen jarııalaýdy jáne tıisti aqparatty keıinnen Zań departamentine (M.Sh. Mýkýsheva) usynýdy qamtamasyz etsin; 2) ony Qazaqstan Respýblıkasy Tabıǵı monopolııalardy retteý agenttiginiń qurylymdyq bólimsheleri men aýmaqtyq organdarynyń nazaryna jetkizsin. 5. Osy buıryqtyń oryndalýyn baqylaý Qazaqstan Respýblıkasy Tabıǵı monopolııalardy retteý agenttigi tóraǵasynyń orynbasary A.V. Shkarýpaǵa júktelsin. 6. Osy buıryq alǵash ret resmı jarııalanǵan kúninen bastap kúntizbelik on kún ótken soń qoldanysqa engiziledi. Tóraǵa N. ALDABERGENOV Buıryq Qazaqstan Respýblıkasynyń Ádilet mınıstrliginde 2011 jylǵy 6 qazanda Normatıvtik quqyqtyq kesimderdi memlekettik tirkeýdiń tizilimine № 7238 bolyp engizildi.