Qymbatty otandastar!
Qazaqstan halqy Assambleıasy sizderdi barsha musylman qaýymynyń eń ulyq merekesi – Qurban aıtpen quttyqtaıdy!
Elbasy Nursultan Nazarbaevtyń Jarlyǵymen bekitilip, ómirimizge engen bul meıram elimizdiń musylmandaryn ǵana emes, Qazaqstandaǵy barsha halyqty biriktire tústi jáne jyl saıyn ystyq yqylaspen atap ótilýde.
Qurban aıt – rýhanı tazalyq pen jan izgiligin, adaldyq pen tereń senimdi ulyqtaıtyn mereke. Ol – baǵasyn eshqashan joǵaltpaıtyn qundylyqtardyń: parasattylyqtyń, jan dúnıe páktiginiń, jomarttyqtyń, beıbitshilik súıgishtiktiń, adamdarǵa degen janashyrlyq pen súıispenshiliktiń nyshany.
Halqymyzdyń aýyzbirshiligin nyǵaıtýǵa, mádenı hám rýhanı qundylyqtarymyzdy damytýǵa elimizdegi túrli din ókilderiniń tatýlyǵy septigin tıgizýde.
Qazaqstan halqy Assambleıasy el azamattaryn aıt kúnderi muqtaj jandarǵa qaıyrymdylyq jasap, jaqyndaryna qamqorlyq tanytýǵa shaqyrady.
Ulyq aıt kúngi jasaǵan nıet-amaldaryńyz qabyl bolyp, shańyraqtaryńyz nurǵa tolsyn!
Elimizde árdaıym beıbitshilik, birlik pen kelisim saltanat qursyn! Meıram qýanysh pen berekesin ákelsin!
Aıt múbárak bolsyn!
Qazaqstan halqy Assambleıasynyń Keńesi
