Aıbek Nuǵymarov ózbekstandyq Mýhsın Hısomıddınovty upaı sanymen utyp ketti. Al Elaman Erǵalıev ýkraın balýany Anton Rýdnıktiń jaýyrynyn bir mınýtqa jetkizbeı jer ıisketti. Aıta ketý kerek, Elaman qarsylastarynyń bárin mejeli ýaqytqa jetkizbeı taza jeńispen utyp kele jatyr.
Taǵy bir shırek fınaldyq beldesýde Mońǵolııa atynan synǵa túsip jatqan qazaq balýany Serik Berdimurat latvııalyq Nıkıta Bondarsty tize búktirdi. Esterińizge sala keteıik, Serik Berdimurat 2014 jyly «Eýrazııa Barysy» halyqaralyq týrnıriniń jeńimpazy atanǵan bolatyn.
Tórtinshi jekpe-jekte Aıbat Seıten grek Masmanıdıs Tentoreden upaı sanymen utylyp qaldy. Kezdesýdiń ortasyna taman Aıbat jaraqat alyp qalǵan edi. Sol áser etti me, Seıtenniń meseli qaıtyp qalǵandaı kóringen. Jartylaı jeńis upaıymen utylyp jatqan Aıbat aıbatyna minip, esepti teńestirip ketti. Áıtse de, qoıan-qoltyq beldesýde grekııalyq balýan ábjildik tanytyp, jartylaı fınalǵa ótti. Sırııalyq balýanmen sheberlik baıqasqan Erjan Shynkeev qarsylasyn alyp jyǵyp, shırek fınalǵa joldama aldy.
