Osy jeńisten rýhtanǵan «Barys» hokkeı klýby araǵa eki kún salyp, syrt alańda sońǵy oıynynda Máskeý oblysynyń «Vıtıaz» komandasyn 5:1 esebimen tize búktirdi. Birinshi kezeńniń 14-shi mınýtynda aıdyn ıeleri shaıba soǵyp, esepti ashqan bolatyn. Ekinshi kezeńnen bastap «Barys» hokkeıshileri «Vıtıaz» qaqpasyn shabýyldyń astyna aldy. Nátıjesinde, elorda komandasynyń shabýylshysy Doýs 21-shi mınýtta esepti teńestirse, Nıkıta Mıhaılıs (39-mınýt) «Barystyń» ekinshi shaıbasyn soqty. Sonan soń, Darren Dıs (42-mınýt), Lınden Veı (51-mınýt) tablodaǵy kórsetkishti eseleı tústi. Al osy matchta ekinshi golyn soqqan Naıdjel Doýs esepti 5:1-ge jetkizip, oıyn nátıjesiniń sońǵy núktesin qoıdy.
Bul «Barys» komandasynyń bıylǵy maýsymdaǵy altynshy jeńisi. Osy jeńisten soń elorda klýby 19 upaımen «Shyǵys» dıvızıony komandalary arasynda top bastady. «Barys» kelesi kezdesýin 15 jáne 17 qyrkúıek kúnderi Astanadaǵy «Barys Arena» muz aıdynynda Novosibirdiń «Sıbır» komandasymen eki oıyn ótkizedi.
Álı BITО́RE,
«Egemen Qazaqstan»
