Kezdesý barysynda Ulasbek Sádibekuly kórmeniń joǵary deńgeıde ótkizilýine óz úlesterin qosqan erikti jastarǵa oblys ákiminiń Alǵys hatyn tabystap, arnaıy syılyqtarmen marapattady.
«EKSPO kúnderinde 6 myńnan astam túrli deńgeıdegi is-sharalar ótkizildi. EKSPO kórmesin ótkizý arqyly bizdiń el «jasyl» tehnologııalardy damytý ıdeıasyna berik ekenin taǵy da dáleldeı tústi. Maýsymnyń 10 men qyrkúıektiń 9 aralyǵynda EKSPO-2017 halyqaralyq mamandandyrylǵan kórmesine 5 mln. astam adam kelgen. Onyń ishinde 151 myń oblys turǵyndary bolsa, sonyń ishindegi 15 myńy oblys jastary», - dedi Ulasbek Sádibekuly.
2015 jyldan bastap oblysymyzdyń barlyq aýdan, qalalarynda EKSPO-2017 halyqaralyq kórmesine eriktilerdi daıarlaý maqsatynda nasıhattaý jumystary júrgizilip, kóptegen semınar-trenıngter ótkizildi. Jalpy shetelden keletin qonaqtar men týrısterge elimiz boıynsha 3 myńnan asa erikti qyzmet kórsetse, sonyń 150-i OQO jastary. Onyń ishinde 73 ul, 77 qyz balasy.
Naqtylap aıtqanda, Shymkent qalasynan 100, Túrkistan qalasynan 37, Kentaý qalasynan 8, Maqtaral aýdanynan 5 jas iriktelip alynǵan bolatyn. Erikti jastar 30 maýsym kúni Astana qalasyna jolǵa shyǵyp, 1 shildeden - 5 tamyz kúni aralyǵynda ıaǵnı bir aı boıy shetelden kelgen qonaqtarǵa 3 tilde (qazaqsha, oryssha, aǵylshynsha) sapaly qyzmet kórsetken. 150 erikti jas negizinen qaýipsizdik, merekelik is-sharalar, bıletteý, hattama, qoǵammen baılanys, seriktester men demeýshiler, EKSPO qalashyq, medısına, akkredıtasııa sekildi baǵyttarda jumys istegen. Al, 15 erikti jas EKSPO-2017 pavılıonynda aqyly túrde jumys isteýge múmkindik alǵan.
