Aıyppuldardyń jalpy kólemi 45 mln teńgeni qurady, dep habarlady elorda ákimdiginiń medıa ortalyq tilshisine Astana qalasynyń IID JPQ TQB aǵa ınspektory Erlik Jamanǵozov.
- Tabıǵatty qorǵaý polısııasynyń qyzmetkerleri aýdan ákimdikteriniń mamandarymen birge bekitilgen aýmaqtarǵa tekseris júrgizýde qalany abattandyrý erejeleri talabyna saı bolýy kerek qurylys alańdaryn zertteý boıynsha jumystar júrgizýde. Jyl basynan beri qaldyqtardy ýaqytyly shyǵarmaý, qurylys ýchastkesi tóńireginen basqa jerge qurylys materıaldaryn tógý, qorshaýlardyń bolmaýy, aýyr júkti kólikteriniń dóńgelekterin jýý pýnkteri boıynsha 177 qurylys kompanııalary ákimshilik jaýapkershilikke tartylyp, jalpy kólemi 12 mln teńge somasynda aıyppul salyndy, - dep habarlady E.Jamanǵozov.
Qyzmet kórsetetin aýmaǵyn turmystyq qatty qaldyqtardan, qurylys jáne úlken kólemdi qoqystardan, qardan, muzdan ýaqytyly tazartpaǵandyqtan, habarlandyrý taqtaıshasynyń, podezge kireberiste jáshikterdiń bolmaǵany úshin JPQ tabıǵatty qorǵaý polısııasynyń qyzmetkerleri 129 qyzmet kórsetýshi uıymdardy (PIK, JShS, t.b.) ákimshilik jaýapkershilikke tartyp, jalpy kólemi 6 171 680 teńge aıyppul salǵan.
Kún saıyn elordalyq IID JPQ tabıǵatty qorǵaý polısııasy ruqsat etilmegen jerlerge qaldyqtar tógý oryndaryna monıtorıng júrgizip, zertteıdi.
- Jyl basynan beri barlyǵy belgilenbegen jerge qoqys tókkeni úshin 58 júrgizýshi ustaldy. Al salynǵan aıyppul kólemi 2 745 490 teńgeni qurady, - dedi E.Jamanǵozov.
