18 qyrkúıek kúni OIID Esirtki bıznesine qarsy kúres basqarmasy men Jalaǵash aýdandyq ishki ister bólimi polısııa qyzmetkerlerimen birlesip júrgizilgen sharasy barysynda Jalaǵash aýdany, Jańadarııa aýyldyq okrýginen 80 km. qashyqtyqta jasyl tústi ózine tán ıisi bar shóptektes zatty tasymaldap júrgen 47, 28, 30 jáne 41 jastaǵy 4 azamat ustaldy. Anyqtalǵan zatqa saraptama taǵaıyndalyp, nátıjesinde salmaǵy 44 kg.-dy quraıtyn «keptirilgen marıhýana» ekendigi naqtylandy.
Tıisti tergeý áreketi barysynda ustalǵan azamattar budan bólek esirtki zatyn egip-baptaýmen aınalysqandyǵy belgili boldy. О́zderi kórsetken esirtki aýmaǵynan 1147 túp sora ósimdigi anyqtalyp, saraptama qorytyndysymen jalpy salmaǵy 1 tonna 41 kg.-dy quraıtyn esirtki zaty ekendigi naqtylandy.
Qazirgi tańda, atalǵan 4 azamat Jalaǵash AIIb-niń Ýaqytsha ustaý abaqtysyna qamaqqa alynyp, olardyń ústinen Qazaqstan Respýblıkasy Qylmystyq kodeksiniń 300-baby 2-bóligi jáne 296-baby 4-bóligi boıynsha qylmystyq is qozǵalyp, sotqa deıingi tergep-tekserý amaldary júrgizilýde.
