Jyl saıyn uıymdastyrylatyn baıqaýǵa Qazaqstan, Túrkııa, О́zbekstan jáne Qyrǵyzstan elderinen úzdik 42 oqýshy qatysyp bilimderin sarapqa saldy. Bilim jáne óner saıysynyń maqsaty – Qoja Ahmet Iаsaýıdiń rýhanı murasy men ilimin, «Áziret Sultan» kesenesine jerlengen dara tulǵalardyń eli úshin atqarǵan eńbekterin, sondaı-aq, Túrkistan qalasynyń tarıhy men Ámir Temir dáýirinen qalǵan qundy ortaǵasyrlyq jádigerlerdi jáne mýzeı isin nasıhattaý.
Osy oraıda, Túrki əlemi jas daryndarynyń saıysyna eki kezeńnen turatyn irikteý syndarynan jeńiske jetken oqýshylar qatysty.
Saıysqa qatysýshylardyń bilimin sarapqa salǵan qazylar alqasyna «Əziret Sultan» memlekettik tarıhı-mədenı qoryq-mýzeıiniń dırektory Nurbolat Ahmetjanov tóraǵalyq etse, Halyqaralyq TÚRKSOI uıymynyń tóraǵa orynbasary Fýrat Fýrtash,
«Əziret Sultan» qoryq-mýzeıiniń bas redaktory Əbdikerim Manapov, Q.A.Iаsaýı atyndaǵy Halyqaralyq qazaq- túrik ýnıversıtetiniń professory teolog, fılosofııa ǵylymdarynyń doktory Dosaı Kenjetaı, «Əziret Sultan» qoryq-mýzeıiniń bas qor saqtaýshysy Nurjamal Əshirbekova tórelik etti.
Birinshi kezeńde hıkmetterdi esh múdirmeı jatqa aıtýdan synǵa túsken úmitkerler daryndylyqtyń eren úlgisin kórsetti. Ekinshi kezeńde Qazaq handyǵynyń tarıhyna, Qoja Ahmet Iаsaýı babamyzǵa, «Áziret Sultan» mýzeıine qarasty tarıhı eskertkishter men jádigerlerge qatysty suraqtarǵa jaýap berdi.
«Halyqaralyq baıqaýdy uıymdastyrý sebebimiz Qoja Ahmet Iаsaýı babamyzdyń murasy men ilimin nasıhattaý, jastardy patrıottyq rýhta tárbıeleý, Elbasymyz «Bolashaqqa baǵdar: rýhanı jańǵyrý» maqalasyndaǵy «Qazaqstannyń kıelijerleriniń geografııasy» jáne «Jahandaǵy zamanaýı qazaqstandyq mádenıet» atty jobalaryn júzege asyrý bolyp tabylady» - dedi qoryq-mýzeı dırektory Nurbolat Ahmetjanov.
«Iаsaýıtaný» baıqaýynyń eki kezeń qorytyndysy boıynsha Ońtústik Qazaqstan oblysynan kelgen Qaraman Ajar bas júldeni (150 myń teńge), al, Aqmola oblysynan kelgen Oqa Janat birinshi oryndy (100 myń teńge) ıelendi. Ekinshi orynǵa 75 myń teńgeden eki oryn belgilengen bolatyn. Qyzylordalyq hıkmetshi Aqypbaev Nursultan jáne OQO kelgen Seıtkýlova Roza II – oryndy árqaısysy (75 myń teńge) marapatqa ıe boldy. Kelesi júldeli úshinshi oryn ıelerine keletin bolsaq, Túrkistandyq hıkmetshiler Hakımova Roza, Majıtova Dııara jáne Aqmola oblysynan kelgen Dáýlethan Dilnár III – oryndy árqaısysy (50 myń teńgege) ıe boldy. Júlde qorynan on oqýshyǵa yntalandyrý syılyǵy retinde 20 myń teńgeden júlde berildi.
Baıqaýǵa qatysqan Qyrǵyzstan, Túrkııa, О́zbekstan elderinen kelgen oqýshylarǵa jáne Qazaqstannyń túkpir túkpirinen kelgen saıyskerler men shákirt tárbıelegen ustazdarǵa qoryq-mýzeı ákimshiligi tarapynan alǵys hattar men baǵaly syılyqtarmen marapattaldy.
Qazaq halqynyń rýhanı tutastyǵyn qalyptastyrǵan, Túrki halyqtarynyń rýhanı ustazy Qoja Ahmet Iаsaýı babamyzdyń hıkmetteri men ilimin nasıhattap, óskeleń urpaqty uly baba murasyn tereń meńgerip, zertteýge yntalandyryp, jas órkenniń ıntellektýaldyq paıym-parasatyn arttyratyn bul baıqaý áli de óziniń jalǵasyn tabady.
