Memleket basshysy «Bolashaqqa baǵdar: rýhanı jańǵyrý» atty baǵdarlamalyq maqalasynda 2025 jyldan bastap latyn álipbıine kóshýge kirisýimiz kerektigin jáne bolashaqta barlyq saladaǵy is-qaǵazdar men oqýlyqtar da osy qarippen jazylýy tıis ekenin qadap aıtty.
Prezıdentimiz latyn álipbıine kóshýdiń naqty joldaryn aıtyp, osy másele zııaly qaýym arasynda keńinen talqylanýy qajet ekenin alǵa tartty. Sondyqtan kún tártibinde ótkir turǵan, búginde qoǵamda qyzý talqylanyp jatqan latyn álipbıine kóshý máselesine baılanysty oı qozǵaý úshin ǵalymdardy, kópti kórgen kózi ashyq, kókiregi oıaý azamattardyń qatysýymen Halyqaralyq «Janashyr» qory keshendi sharalardy júzege asyryp keledi.
Din isteri jáne azamattyq qoǵam mınıstrliginiń qoldaýymen «Azamattyq bastamalardy qoldaý ortalyǵy» kommersııalyq emes aksıonerlik qoǵamynyń granttyq baǵdarlamasynyń aıasynda «Halyqtyń ulttyq-mádenı birligin saqtaýdaǵy zııalylardyń róli» taqyrybyndaǵy joba aıasynda ótip jatqan dóńgelek ústelder men konferensııalarda, kolledjder men mektepterdegi kezdesýlerde halyqtyń latyn qarpine kóshý jónindegi pikirlerin bilýdemiz.
Sharalardyń qatysýshylaryna arnalǵan saýalnamalarda da osy taqyryptardaǵy pikirlerin bildirý suralǵan. О́tkizilgen sharalardyń nátıjesi kórsetkendeı, qatysýshylardyń 80-90 paıyzy latyn árpine kóshýdi qoldaıtyndyqtaryn bildirýde.
Búgingi tańda kırıllısa jazýyn álemniń 12 memleketi ǵana paıdalanady eken. Al qalǵan memleketterdiń kóbi latyn álipbıin qoldanady. Demek, bul keń taralǵan jazý. Búginde álemniń ár túkpirinde 5 mıllıonǵa jýyq qazaq turady. Onyń 80 paıyzy latyn álipbıin qoldanady. Iаǵnı, biz bolashaqta latyn álipbıine kóshsek, sol qazaqtarmen jaqyndasa túsemiz. Bul – syrttaǵy aǵaıynnyń kópten kútken armany.
Biz, qazaqstandyqtar kópshilik bolyp latyn álipbıine kóshýge ázir ekenimizdi kórsetip, osyndaı mańyzdy qadamǵa barýǵa aýyzbirshilik tanytqanymyz jón dep bilemiz.
Jańyl ÁPETOVA,
Halyqaralyq «Janashyr» qorynyń prezıdenti
