SpaceX kompanııasynyń negizin qalaýshy Ilon Mask Adelaıda qalasynda (Avstralııa) ótip jatqan Halyqaralyq astronavtıkalyq kongreste Jer betindegi bir-birinen shalǵaıda jatqan qalalar arasynda úlken jyldamdyqta qatynaıtyn kólik júıesiniń konsepsııasyn tanystyrdy. Ol ony qaıta oralatyn zymyrandar men ǵarysh kemeleriniń kómegimen júzege asyrǵysy keledi. Mundaı kólik retinde ol Marsqa ushýǵa arnalǵan BFR (Big Falcon Rocket – Úlken suńqar zymyran) zymyranyn usynyp otyr.
Mask kórsetken vıdeo-prezentasııada jolaýshyǵa toly zymyrannyń Nıý-Iorktan Shanhaıǵa 39 mınýtta, Gonkongtan Sıngapýrge 22 mınýtta, Los Andjelesten Torontaǵa 24 mınýtta, Londonnan Nıý-Iorkke 29 mınýtta jete alatyndyǵy kórsetilgen. Alys qashyqtyqty osynshalyqty az ýaqytta júrip ótý úshin zymyrandar saǵatyna 27 000 shaqyrymǵa deıingi jyldamdyqpen qozǵalmaq.
Qazirgi tańda jolaýshy ushaǵy Nıý-Iork pen London arasynda 8 saǵat (5 540 shaqyrym), Shanhaı men Nıý-Iork arasynda 15 saǵat 30 mınýt (11 857 shaqyrym) ushady.
Ilon Masktiń jobasy sátti júzege assa jolaýshy tasymalynda revolıýsııalyq jańalyq bolmaq.
Bir qyzyǵy, Mask zymyranmen ushý quny kádimgi ushaqtyń ekonom sanatynyń bıletinen qymbat bolmaıdy deıdi.
Sondaı-aq, Mask SpaceX kompanııasy 2022 jylǵa deıin Marsqa kemi eki júk kemesin jiberetinin aıtty. Eki jyldan soń, ıaǵnı 2024 jyly qyzyl ǵalamsharǵa alǵashqy adamdar barmaq. Olar Marsta uzaq merzimde qalýǵa múmkindik beretin baza salmaq.
Supporting the creation of a permanent, self-sustaining human presence on Mars. https://t.co/kCtBLPbSg8 pic.twitter.com/ra6hKsrOcG
— SpaceX (@SpaceX) 29 sentıabrıa 2017 g.
BFR zymyrany ǵarysh kemelerin Halyqaralyq ǵarysh stansııasyna jáne Jer serigi Aıǵa da jetkize alatyn qabiletke ıe bolmaq.
BFR is capable of transporting satellites to orbit, crew and cargo to the @Space_Station and completing missions to the Moon and Mars. pic.twitter.com/p9staho4VZ
— SpaceX (@SpaceX) 29 sentıabrıa 2017 g.
BBC tilshisi Djonatan Amostyń oıynsha, BFR salmaǵy áli de bolsa aýyr bolǵanymen, syrtqy ólshemderi azdap kishireıgen. Naqtyraq aıtqanda, bıiktigi 106 metr de, eni nemese qalyńdyǵy 9 metr.
Zymyrannyń aldyńǵy nusqamen negizgi aıyrmashylyǵy onyń qunynda.
"Biz jobany qalaı qarjylandyrýdyń jolyn tapqan sekildimiz. Bul óte mańyzdy", deıdi Ilon Mask.
Qarajat máselesin sheshý úshin amerıkalyq ınjener kompanııanyń búkil nazaryn bir júıeni damytýǵa baǵyttap, keıin sol júıe arqyly klıentterdiń barlyq suranystaryn qanaǵattandyrýdy oılap otyr. Masktyń aıtpaǵy Jer betindegi saparǵa da, Aı men Marsqa ushýǵa da bir zymyran men bir keme jasaý dep túsinýge de bolady.
