Jańa formattaǵy dıalog alańy «Jastarǵa qyzmet kórsetý ortalyǵynda» ótip, óńirdegi jastar uıymdarynyń ókilderi qatysyp ózara pikir almastyrdy. Spıkerler eki komandaǵa bólinip, árqaısysy óz oı-pikirlerin ortaǵa saldy.Kezdesý moderatory Gúlnár Isenova talqylaýǵa arnalǵan basty taqyryptardy jarııalady, olar: «Áıeldiń orny as- úıde» jáne «Áıelder men erler saıasatta jáne bılikte». Birinshi toptyń bas spıkeri Orazaly Sársenov, al ekinshi toptyń bas spıkeri Erık Bekker boldy.
Jas spıkerler toby «Áıeldiń orny as úıde me nemese bılik basynda ma?» degen máseleni qyzý talqylady. Birinshi top ókilderiniń paıymdaýynsha, bizdiń qoǵamda áıeldiń orny as-úıde degen túsinik basym. О́ıtkeni, kishkentaı kúninen qyzdarǵa mansaptan góri otbasylyq qundylyqtardy dáripteıtin tárbıe beriledi. Al, qarsy pikir bildirýshiler kerisinshe, áıelder erlermen qatar bılikte qyzmet jasaýǵa quqyly degen pikirde boldy. Mysaly, saıasatker áıelder klýbynyń tóraıymy Irına Fogeldiń pikirinshe, áıelder úı sharýasymen qatar mansabyn birge alyp júre alady.
–Árıne, áıel úshin otbasylyq qundylyqtar eń basty orynda bolýy tıis. О́zi ómir súretin qoǵamda da ózin tulǵa retinde kórsetýge de quqyly, – deıdi «Jas Otan» jastar qanatynyń qalalyq bóliminiń basshysy Áıgerim Manabaeva.
Eksperttik komıssııa músheleri jas spıkerlerge baǵa berip, dıalog qurý joldaryn nusqap otyrdy. Al, «Áıeldiń orny asúıde» toby naqty faktilerge súıene otyra, úılesimdi, ılanymdy dúnıeler aıtyp, kósh bastady. Nátıjesinde, eki komanda da elimizde genderlik saıasat bar, ony belsendi túrde damytý qajet, alaıda, áıeldiń basty mindeti-otbasyn quryp, súıikti jar, balaly ana bolýy kerektigin umytpaýǵa tıis degen pikirge keldi. Dıalog alańy aıaqtalǵan soń «5+5+1» ádisi boıynsha saýalnama da júrgizildi.
Farıda Byqaı,
«Egemen Qazaqstan»
Pavlodar
