Maksımovka kentinen 10 turǵyn úı salyp jatqan jeke kásipker qurylysty jyl sońyna deıin tolyq aıaqtaýdy josparlap otyr. «Svobodnoe» JShS aýylsharýashylyq daqyldaryn ósirýmen jáne mal sharýashylyǵymen aınalysady. Búgingi tańda atalǵan sharýa qojalyǵynda asyl tuqymdy 1500 iri qara mal bar. Mal baǵyp, isterin órge dóńgeletip jatqan qojalyq tabyssyz da emes. Oǵan seriktestiktiń óz qyzmetkerlerine turǵyn úıler salyp berýi dálel. A.Zakýlısov basshylyq etetin sharýashylyqta 200 adam jumys isteıdi eken. Bir bóligi – ózge óńirlerden kóship kelgen otbasylar. Sondyqtan da baspanamen qamtamasyz etý kún tártibinen túspegen ótkir másele bolatyn. Al kentte bos úı joq.
Qazirgi kezde «Svoboda» JShS-da jumys isteıtin 5 qyzmetker otbasylarymen jańa qonystaryna ornalasyp ta úlgerdi. Qalǵan 5 otbasy jyl sońyna deıin qonys toılaryn toılamaq. Buǵan deıin A.Zakýsılovtyń bastamasymen kentte 7 kottedj turǵyzylǵandyǵyn aıta ketken oryndy. Araǵa 8 jyl salyp sonyń ekeýin kásiporyn dırektory aýyldyq ambýlatorııanyń bas dárigeri men «Svoboda» JShS bas ınjenerine qaıtarymsyz negizde jeke menshigine ótkizip berdi. Sondyqtan Maksımovka kentine pedagogtar, dárigerler, tehnıkalyq qyzmetkerler esh oılanbastan kelip jatady. Onyń sebebin olardyń jemisti jumys isteýi úshin barlyq jaǵdaıdyń jasalýynan dep bilýge bolady.
Asqar TURAPBAIULY,
«Egemen Qazaqstan»
Aqmola oblysy,
Sandyqtaý aýdany
