2013 jylǵy 2 sáýirde Nıý-Iorkte jasalǵan Shart mynadaı sanattar sheńberindegi kádimgi qarý-jaraqtyń barlyq túrlerine qoldanylady: jaýyngerlik tankter, jaýyngerlik brondalǵan mashınalar, úlken kalıbrli artıllerııalyq júıeler, jaýyngerlik ushaqtar, jaýyngerlik tikushaqtar, áskerı kemeler, zymyrandar men zymyrandyq ushyrý qondyrǵylary, atys qarýy men jeńil qarý-jaraq.
Osy Sharttyń erejelerin júzege asyrý úshin árbir qatysýshy memleket ulttyq baqylaý tizimin qosa alǵanda, ulttyq baqylaý júıesin qurady jáne paıdalanady, sondaı-aq osy Shartqa qatysty máseleler boıynsha aqparat almasý úshin ulttyq baılanys ortalyǵyn taǵaıyndaıdy.
Sharttyń qatysýshy memleketteri kádimgi qarý-jaraqtyń eksportyn nemese eksporty boıynsha naqty operasııalardy júzege asyrýǵa ruqsattar berýdi ulttyq esepke alýdy júrgizedi jáne kádimgi qarý-jaraqtyń ruqsat etilgen nemese naqty eksporty men ımporty týraly aqparatty qamtıtyn aldyńǵy jyl boıynsha baıandamany jyl saıyn usynady.
Shartta kádimgi qarý-jaraqty, oq-dáriler jáne zaqymdaý quraldaryn, bólshekteri men komponentterin berýge tyıym salý jaǵdaılary da jazylady.
Osy Shartty ratıfıkasııalaý kádimgi qarý-jaraqtyń halyqaralyq saýdasyna baqylaýdy belgileý jáne kúsheıtý arqyly halyqaralyq qaýipsizdikti nyǵaıtýǵa, sondaı-aq olardyń zańsyz qaıta baǵyttalýynyń jáne zańsyz aınalymynyń jolyn kesýge yqpal etetin bolady.
Zań jobasy Palata qaraýyna usynyldy.
