Olardyń qatarynda Siemens VAI (Avstrııa), Mitsui & Co ı Nippon Steel (Japonııa), EVRAZ Holdıng (Reseı), Kardemir (Túrkııa), NDT Technologies Inc. (Kanada) taǵy basqa da kompanııalar bar.
«QTJ» UK» AQ Infraqurylym jobalary jónindegi vıse-prezıdent B. Orynbasarov QR Premer-Mınıstriniń birinshi orynbasary A. Mamınniń otyrysqa qatysýshylarǵa quttyqtaýyn oqyp berdi.
1520 joltabany keńistigindegi rels ónimderin daıyndaý men paıdalanýda Rels komıssııasynyń róli zor ekendigi aıta kelip A. Mamın «Aqtóbe rels arqalyǵy zaýyty Memleket basshysynyń tapsyrmasymen salynǵan Eýrazııa keńistigindegi balamasyz zamanýı úlgidegi kásiporyn. Munda asa joǵary sapaly básekelestikke saı ónim óndiriledi»,-dedi.
«QTJ» UK» AQ vıse-prezıdenti B. Orynbasarov rels óndirýdi Qazaqstannyń temirjol kóligi mashınasyn jasaý salasyndaǵy basym baǵyttardyń biri ekendigin «Qazaqstan aýmaǵyndaǵy tuńǵysh rels ónimderin shyǵarý temirjol kóligi salasynyń mańyzdy kezeńi ekendigin» atap ótti.
«Aqtóbe rels arqalyǵy zaýytynyń ónimderi «Nurly jol» memlekettik baǵdarlamasy aıasyndaǵy: Almaty-Shý temirjol jelisiniń ekinshi telimi, jańa Quryq teńiz portynyń ınfraqurylymy, Astana jańa vokzaly kesheni qurylystarynda keńinen paıdalanylýda», deıdi B. Orynbasarov.
Zaýyt ónimderi tıisti stendilik, alańdaǵy synaqtardyń barlyǵynan ótkizildi. Qaýipsizdik, sapalyq, tehnıkalyq reglament jáne halyqaralyq standart talaptaryna saı.
Qazirgi tańda ARAZ kásiporny aýmaǵynda júrdek qozǵalysqa arnalǵan relstiń R65 synypty DT 350 jáne DT 350 SS túrleri shyǵarylady.
