«Vladımır oblystyq TJM-niń málimetterine súıensek, tirkeý nomeri UDA668 Mercedes markaly jolaýshylar avtobýsy atalǵan óńirde iri jol kóligi apatyna ushyrady», - dedi QR Syrtqy ister mınıstrliginiń baspasóz hatshysy Ánýar Jaınaqov Feısbýktegi paraqshasynda.
Málimetterge qaraǵanda, jol kólik apaty saldarynan 15 adam qaza taýyp, 5 adam aýrýhanaǵa jetkizildi. Avtobýsta barlyǵy 55 adam bolǵan. «Zardap shekkender Petýshınskidegi aýdandyq klınıkalyq aýrýhanaǵa jetkizildi. Qazirgi ýaqytta Reseıdegi qazaqstandyq dıplomattar qaza tapqandar men zardap shekkenderdiń tulǵalary men azamattyǵyn anyqtap jatyr», - deıdi Ánýar Jaınaqov.
Aıta keteıik, QR SIM Reseı Federasııasynyń Vladımır oblysynda bolǵan iri jol apatynda qazaqstandyqtar qaza boldy degen aqparatty tekserip jatqandyǵy týraly habarlaǵan bolatynbyz.
