Sýret Akorda.kz saıtynan alyndy
Habarlamaǵa sáıkes, Qaırat Kelimbetov Memleket basshysyna halyqaralyq qarjy ortalyǵyn iske qosýǵa daıyndyq jumystary jóninde baıandaǵan. Jańa qarjylyq ortalyq álemniń úzdik tájirıbesin eskere otyryp júzege asyrylmaq.
Sondaı-aq, Qarjy ortalyǵynyń basqarýshysy Prezıdentke AHQO Táýelsiz sotynyń jáne Halyqaralyq arbıtrajdy ortalyǵynyń normatıvtik qujattary daıyn bolǵanyn málimdedi. Atalǵan eki sot bıliginiń ınstıtýttary 2018 jyly qańtar aıynda ashylady dep josparlanyp otyr.
Qaırat Kelimbetov Nursultan Nazarbaevty ortalyqty damytý baǵyttarymen tanystyryp, AHQO-nyń joǵary tehnologııaly bırjasyn qurý jóninde baıandady.
AHQO basqarýshysy atap ótkendeı, búginniń ózinde Shanhaı qarjy bırjasymen jáne Nasdaq Inc. kompanııasymen kelisim jasalǵan. Bul kelisimder qarjy ortalyǵynyń odan ári damýyna áser etpek.
Kelimbetovtyń esebin tyńdaǵan soń, N.Nazarbaev birqatar naqty tapsyrmalar berdi.
