Mundaıdy sarapshylar «saıası jantalas» dep qabyldaýda. О́ziniń adamy ótpeı, basqa úmitker prezıdent bolsa, A.Atambaevtyń bılik basynda bolǵandaǵy keıbir keleńsiz áreketteri jarııa bolyp qalýy múmkin. Sondyqtan ol óz adamyn ótkizý úshin barlyq qıturqy ádis-tásilderge júginip, aqyry qyrǵyz eline eń jaqyn, eń janashyr memleketti de aıyptaýǵa deıin bardy.
Basqasyn aıtpaǵanda, Qyrǵyzstanda 2010 jylǵy bolǵan daǵdarys sol kezde EQYU tóraǵalyǵyn atqarýshy eldiń basshysy retinde Qazaqstan Prezıdenti Nursultan Nazarbaevtyń tikeleı belsendi túrde aralasýynyń arqasynda ǵana azamattyq soǵysqa ulasyp ketpegenin ol umytsa da týysqan qyrǵyz halqy qaperinen shyǵarǵan joq. Sol kezde AQSh-ta issaparda bolǵan N.Nazarbaev kún uzaq qaýyrt jumys istese de ýaqyt aıyrmashylyǵyna da qaramaı, túni boıy Qyrǵyzstannyń basshylarymen kelissózder júrgizip, aqyry ońtústiktegi jerlesteri men aǵaıyndarynyń ortasyna baryp, bekinip alǵan Qurmanbek Bakıevti laýazymynan óz erkimen bas tartýǵa kóndirip, qazaqstandyq tikushaqpen alyp ketpegende, oqıǵanyń qanshalyqty shıelenisetinin boljaý qıyn edi. Tek osy isi úshin ǵana álemniń ozyq oıly adamdarymen birge qyrǵyz baýyrlardyń kózi ashyq, kóńili oıaý azamattary Qazaqstan basshysyna úlken alǵystar aıtqan. Sol oqıǵalardan keıin Qyrǵyzstan ekonomıkasynyń turaqtanýyna Qazaqstannan artyq eńbek sińirgen el joq. Halyqqa jasaǵan qaıyrymdylyq kómek, azyq-túlik pen áleýmettik mańyzy zor taýarlar, janar-jaǵarmaı jáne t.b. quny mıllıondaǵan dollardy quraǵan bolatyn.
Premer-Mınıstr Baqytjan Saǵyntaevtyń burnaǵy kúngi málimdemesinde aıtylǵandaı, Qyrǵyzstannyń EAEO-ǵa ótip, ekonomıkasyn uıym talabyna sáıkes satylarǵa kóterýi úshin 100 mln AQSh dollary kóleminde tehnıkalyq kómek berilgen. Bul Qyrǵyzstannyń ekonomıkalyq zańnamalaryn, normatıvteri men tártipterin, fıto-sanıtarlyq jáne t.b. beketterin EAEO talabyna saı qylýǵa jáne basqa da kezek kúttirmeıtin isterge jumsalatyn óte qomaqty qarajat. Al qaıyrymdylyq kómek retinde Qazaqstan Bishkek pen Osh qalalaryna 20 mln AQSh dollaryna eki mektep salyp bergen. Sonymen birge Qazaqstan qyrǵyz ekonomıkasyna 820 mln dollar ınvestısııa quıǵan. Sonyń arqasynda myńdaǵan jańa jumys oryndary ashylyp, Qyrǵyzstanda sońǵy jyldary birshama áleýmettik-ekonomıkalyq turaqtylyq ornady. B.Saǵyntaevtyń aıtýyna qaraǵanda, ınvestısııa kólemi budan da joǵary bolmaq eken, alaıda Qyrǵyzstan basshylyǵynyń qolaıly ınvestısııalyq ahýal týdyra almaǵandyǵynyń kesirinen qazaqstandyq kásipkerlerdiń birshamasy óz kapıtaldaryn quıýdan bas tartqan.
Qazaqstannyń dostyqqa negizdelgen tatýkórshilik pen beıbitshil saıasatynyń arqasynda myńdaǵan qyrǵyzdar Qazaqstan jerine emin-erkin enip, nápaqasyn aıyryp júr. Munda olardyń eńbek etý, júrip-turý, ómir súrý quqyqtary eshqandaı shektelmeı, salyq júıesi de yńǵaıly bolyp tur. Premer-Mınıstrdiń aıtýyna qaraǵanda, qazir olardyń sany 125 myń adamǵa jetken. Osynsha eńbek mıgrantynyń árqaısynyń asyraýynda kem degende úsh adamnan baryn eskersek, bul bir mıllıonǵa jýyq qyrǵyz baýyrlardyń Qazaqstannyń esebinen kún kórip otyrǵanyn ańǵaramyz. Túsingen adamǵa osynyń bári az jaqsylyq emes qoı.
A.Atambaevtyń Qazaqstannyń zeınetaqysy IJО́-ge saı Qyrǵyzstannan nege 20 ese artyq emes degeni Memleket basshysynyń aýzynan shyǵatyn sóz emes. Zeınetaqy kólemin anyqtaý árbir memlekettiń óziniń ishki jumysy. Eshbir qazaq bizdiń zeınetaqymyz nege tómen dep Qyrǵyzstan prezıdentine aryz-shaǵym jasap otyrǵan joq qoı. Sondyqtan mundaı málimdeme ózge eldiń ishki isine aralasý dep baǵalanatyny sózsiz.
Árıne A.Atambaev sııaqty alysty boljaı almaıtyn, ketetin bolǵan soń esikti qatty serpip turǵan saıasatkerdiń sózderi ǵasyrlar boıy qalyptasqan qazaq pen qyrǵyz arasyndaǵy týystyq pen dostyqqa syna qaǵa almaıdy.
