Arnaıy top ókilderi sapar aıasynda óńirdegi, oblys ortalyǵyndaǵy memlekettik mekemelerdi aralap, jemqorlyqqa qarsy kúres jumys barysyna monıtorıng júrgizdi. Halyqqa qyzmet kórsetýdiń sapasyn bilý maqsatynda óńirdegi memlekettik organdar men uıymdardy aralady.
Memlekettik organdardyń qyzmetiniń negizgi qaǵıdaty halyqtyń ál-aýqatyn kóterý, memlekettik qyzmetterdiń ashyqtyǵyn kúsheıtý, adamdar men bıznes múddelerine jáne qajettiligine jaýap berý.
Kezdesý barysynda «Kásibı memlekettik apparatty qalyptastyrýda» Ult Josparynyń Birinshi baǵytyn oryndaýdaǵy tekserý nátıjeleri, «Memlekettik qyzmet jáne sybaılas jemqorlyqqa qarsy is-qımyl týraly zańnamany saqtaý» boıynsha jergilikti atqarýshy organdardyń atqarǵan jumystary týraly baıanadamalary tyńdaldy. Sybaılas jemqorlyq búgingi kúnniń ózekti máselerdiń biri. Jemqorlyqty joıý ázirge múmkin bolmaı tur. Shara barysyndaǵy kezdesýde Alık Shpekbaev jergilikti sheneýnikterge eshqandaı syılyq alýǵa, jumys, qyzmet kabınetterine «syılyq jınap» mýzeı jasaýǵa bolmaıtyndyǵyn eskertti. Memlekettik qyzmetkerlerdiń kabınetteri kishigirim mýzeıge uqsap bara jatqandyǵyn synǵa aldy.
Bıylǵy jyldyń qyrkúıek aıynda óńir sheneýnikterine jalpy quny 207 125 teńge kóleminde tabystalǵan 116 syılyq keri qaıtarylǵan. Sondaı-aq, otyrysta memlekettik menshiktegi avtokólikterdiń memlekettik qyzmetkerlerdiń týystary men balalaryna arnalmaǵany, sol úshin memlekettik múlikti jeke bastaryna paıdalanbaý kerektigi de aıtyldy. Jıyn sońynda arnaıy top ókilderi óńirdegi qalalar jáne aýdandar ákimderiniń qyzmettik avtokólikterine anyqtaýysh aıyrym belgilerin ornalastyrý boıynsha ótken sharaǵa qatysty.
Farıda Byqaı,
«Egemen Qazaqstan»
Pavlodar oblysy
