Atalǵan kezdesý jastar aldynda turǵan qazirgi zamanǵy qaýip-qaterlerge qarsy turý boıynsha vedomstvolardyń birlesken is-áreketin úılestirýdi maqsat etti.
N.Ermekbaev «Halyqaralyq qaýipsizdik» taqyrybyndaǵy paneldik dıskýssııada sóz sóılep, mınıstrlik tarapynan memlekettiń zaıyrlylyq qaǵıdalaryn nyǵaıtý jáne radıkalızmniń aldyn-alýdaǵy zańnamany jetildirý boıynsha atqarylyp otyrǵan jumysty baıandady.
Mınıstr jastar arasyndaǵy aldyn alý jumystaryn júrgizýge basa nazar aýdardy. «Jastarǵa buqaralyq mádenıet jáne ınternet kúshti yqpal etedi. Búgingi kúni túrli radıkaldy uıymdardyń 80%-yn 30 jasqa deıingi jastar quraıdy. Osyǵan oraı, elimizde jáne jalpy halyqaralyq jastar yntymaqtastyq júıesinde jastardy baǵyttaýǵa jáne yntalandyrýǵa arnalǵan qundylyqtardy qalyptastyrýdyń tıimdi júıesi bolǵany mańyzdy», dedi Nurlan Ermekbaev.
Mınıstr otbasylyq tárbıe júıesin nyǵaıtý boıynsha áleýmettik jobalardy damytý múmkindigine de toqtala ketti.
Budan ózge Nurlan Ermekbaev is-sharaǵa áli qatyspaıtyn elder mınıstrleriniń arasynda barlyq atalǵan alańdardyń jumys josparlaryn taratýdy usyndy. Osylaısha, alynǵan usynystar halyqaralyq qaýipsizdik máselelerin tıimdi sheshýge kómektesetinine senim bildirdi. Sonymen qatar mınıstr túrli ózekti suraqtar boıynsha turaqty onlaın-keńester uıymdastyrý arqyly birlesken jumystyń formatyn jetildirýdi usyndy.
Eske sala keteıik, Halyqaralyq mınıstrlik kezdesý 15 qazan kúni Sochı qalasynda bastalatyn XIX Búkilálemdik jastar men stýdentterdiń festıvali qarsańynda ótip otyr.
«Egemen-aqparat»
