Qazaqstan jastar quramasy 82 el arasynda ótken jarysty 3 medalmen 9-orynda aıaqtady. Jalpy medal sany boıynsha Japonııa jastary kósh bastap tur – 8 altyn, 2 kúmis, 4 qola. Ekinshi orynǵa 2 altyn, 2 kúmis, 1 qola medaldarmen Ázerbaıjan dzıýdoshylary jaıǵassa, Reseı quramasynyń jastary úshinshi orynǵa turaqtady – 1 altyn, 2 kúmis, 2 qola.
Qazaqstan quramasynan Álem Chempıonatynyń alǵashqy kúninde Abıba Ábýjaqynova (44 kg) kúmiske qol jetkizse, Baýyrjan Narbaev (55 kg) qola medalǵa ıe boldy. Álem birinshiliginiń birinshi kúninde Qazaqstan ulttyq jastar quramasy 1 kúmis jáne 1 qola júldemen medal sany boıynsha 5-orynǵa jaıǵasty.
44 kelige deıingi salmaq dárejesinde tatamıge shyqqan Abıba Ábýjaqynova fınalǵa deıin qarsylas shaq keltirmeı, sheshýshi beldesýde japon qyzy Nına Kýboıǵa ese jiberip, jastar arasyndaǵy álem chempıonatynyń kúmis júldegeri atandy. Ol alǵashqy beldesýinde horvatııalyq Vıktorııa Ana Pýljızdi ıpponmen utsa, ekinshi beldesýinde reseılik Vladlena Zershıkovany vazarımen, Belgııa sportshysy Loız Petıtti golden skorda vazarı upaıymen jeńip, jartylaı fınalǵa joldama aldy. Jartylaı fınalda brazılııalyq dzıýdoshy Laýra Ferreırany vazarımen jeńip, fınalǵa shyqqan bolatyn.
Erlerden 55 kelige deıingi salmaqta beldesken Baýyrjan Narbaev birinshi aınalymda kolýmbııalyq Djonatan Panıgaýany vazarımen, ekinshi beldesýinde Koreı Halyq Demokratııalyq Respýblıkasynyń ókili Kýan Jın Chıdi golden skorda vazarı upaıymen jeńip, shırek fınalda reseılik Adam Isaevty da vazarı upaıymen utty. Otandasymyz jartylaı fınalda grýzın balýany Jaba Papınashvılıge golden skorda ese jiberip, jubanysh beldesýinde beldesýge múmkindik aldy. Qola medal úshin beldesý qos qazaqstandyq balýan arasynda tartysty ótti. Jubanysh beldesýinde Baýyrjan Narbaev Damır Bolatbekovpen kezdesip, jarystyń negizi ýaqytynda qos qazaqstandyq balýan teń túskenimen, qosymsha ýaqytta Baýyrjan Narbaev ádis jasap, vazarı upaıymen qola medalǵa qol jetkizdi.
Dıdar Hamza Álem Chempıonatynyń ekinshi kúninde Qazaqstan quramasynyń qorjynyn bir qola medalmen tolyqtyrdy.
73 kelige deıingi salmaq dərejesinde beldesken balýanymyz alǵashqy aınalymda rýmynııalyq Lazlo Devıdti, ekinshi aınalymda Sardor Karımovty jeńip, úshinshi aınalymda təjikstandyq Eradj Abdýllaevty vazarı upaıymen jeńdi. Shırek fınalda Əzerbaıjan dzıýdoshysy Zıdaıat Heıdarovqa ese jiberip, jubanysh beldeýine múmkindik aldy. Jubanysh beldesýinde moldavııalyq Lon Nakýdy utyp, qola medal úshin Gevorg Manýkıandy golden skorda ədis jasap, taza jeńiske qol jetkizdi.
Sondaı-aq komandalyq jarysta Qazaqstan quramasy 5 orynǵa turaqtady.
Esterińizge sala ketsek, álemniń 82 elinen 584 dzıýdoshy qatysqan álem birinshiliginde el namysyn 20 jas dzıýdoshy qorǵady.
