Is-sharaǵa Qazaqstan halqy Assambleıasy Tóraǵasynyń orynbasary – Hatshylyq meńgerýshisi Darhan Myńbaı, QHA Medıasııa keńesiniń tóraǵasy, Májilis depýtaty Baqytjan Ábdiraıym, Qazaqstandaǵy Eýropa keńesiniń ulttyq úılestirýshisi Leıla Jdanova jáne halyqaralyq sarapshylar, sot jáne quqyq qorǵaý organdarynyń ókilderi, medıasııa ortalyqtarynyń basshylary qatysty.
Qorytyndy basqosýda semınarǵa qatysýshylar trenıngtiń tıimdiligin aıtyp, mundaı sharalardyń «Rýhanı jańǵyrý» aıasynda atqarylyp jatqan ıgi is ekenin jetkizdi. Sondaı-aq, jıynǵa qatysýshylar ózderiniń usynystary men tilekterin bildirdi.
QHA Tóraǵasynyń orynbasary D.Myńbaı mundaı semınar-trenıngterdiń paıdasy mol ekenin atap ótti. Onyń aıtýynsha, elimizdegi sot bıligi men quqyq qorǵaý organdary túıtkildi máselelerdi tereń túsinip, birlese áreket etýge yntaly.
Semınardy Eýropa Keńesiniń sarapshysy, Karlos atyndaǵy Madrıd ýnıversıtetiniń professory Helena Soleto jáne Ispanııa sot júıesi Bas keńesiniń múshesi Anna Karraskoza júrgizdi. Sarapshylar trenıng barysynda ózderi ázirlegen oqytý júıesi boıynsha dáris oqydy. О́z kezeginde, eýropalyq mamandar ázirlegen jańa bilim kýrsy Joǵarǵy sot janyndaǵy sot tóreligi Akademııasyna jáne Quqyq qorǵaý organdarynyń akademııasyna usynylmaq.
Abaı ASANKELDIULY,
«Egemen Qazaqstan»
