“ADAMZATTYŃ BÁRIN SÚI BAÝYRYM DEP”

Qazaqstan halqy Assambleıa­synyń ár sessııasy aıtýly saıası oqıǵaǵa aınalyp júr. Ár joly qandaı jańa, tyń usynys aıtylar eken degen oımen kelemin. Dúnıe­júzilik daǵdarys tusynda etno­s­ara­­lyq qatynastar jónindegi ıgi nıettegi kez kelgen basqosýdyń bereri mol. Eger ol Qazaqstan hal­qy Assambleıasynyń kezekti ses­sııa­sy bolsa, mańyzy anaǵur­lym arta túsetini aıtpasa da túsinikti. “Adamzattyń bárin súı baýyrym dep”, dep qazaqtyń danyshpany Abaı aıtqandaı, ulty men násiline qaramaı, bar halyqty bir týdyń astyna jınaı alǵan Elbasynyń syndarly saıasatynyń arqasynda dúnıege kelgen bul uıym qazirgi kezde úlken bedelge ıe. Jáne onyń bedeli jyldan-jylǵa artyp keledi. Eldiń mańyz­dy zań shyǵarýshy organy – Parla­ment­ten Qazaqstan halqy Assam­bleıasynyń músheleri oryn aldy. Sımvoldap aıtar bolsaq, Qazaq­­stan – ony mekendegen bar­lyq etnostyń ortaq úıi, al Astana – bas orda, qara shańyraq. Eldiń ekonomıkalyq-saıası, qoǵamdyq mańyzdy barlyq saladaǵy ómiriniń qyzý qaınaǵan epısentri. Astana – Qazaqstannyń kishi modeli. Son­dyqtan, munda barlyq etnostyń ókilderi bir jaǵadan bas, bir jeńnen qol shyǵaryp, birlik pen tatýlyqta ǵumyr keship jatyr. Astanadaǵy Beıbitshilik jáne kelisim saraıy, Báıterek syndy sáýlet óneriniń qaıtalanbas týyndylary elishilik dostyq pen yntymaqtyń naǵyz nyshandary bolyp tabylady. Astana qalasynda 26 etnomáde­nı birlestik jumys isteıdi. Esil aýdany – elordanyń júregi, elıtar­lyq ortalyǵy. Astana men kúlli Qazaqstannyń jetistikteri men ozyq tehnologııalary, záýlim ǵımarattary, mańyzdy organdary men mekemeleri osynda oryn tepken. Aýdan ákiminiń apparaty “Vaınah” cheshen-ıngýsh, “Van” armıan, “Parvız” tájik etno­máde­nı birlestikterimen jáne basqa da kóptegen ortalyqtarmen qoıan-qoltyq jumys isteıdi. Naýryz meıramy, 1 mamyr – Qazaqstan halqynyń birligi kúni, Qala kúni sekildi merekelerdi toılaýda jáne aýdandyq aqparat­tyq-nasıhattyq toptar qatarynda ıdeologııalyq jumystar atqarýda etnomádenı birlestikterdiń róli zor. Kóp eldiń kóne ańyzdaryna arqaý bolǵan jeli boıynsha bir jebe synar, myń jebe synbas. Qazaqstannyń árbir azamaty ózin bir-bir bolat jebe dep eseptese, birikken kezde ishki de, syrtqy da jaý almas, berik qamalǵa aına­lary­myz haq. Qaırat JAŃABERGENOV, Esil aýdanynyń ákimi. Astana.