Partııa tóraǵasy Azat Perýashev 2025 jyldyń qyrkúıeginen bastap áýeli Parlamenttik reforma jónindegi Jumys tobynyń, keıinnen Konstıtýsııalyq komıssııanyń quramynda Jańa Konstıtýsııa jobasy boıynsha atqarylǵan jumystar jaıynda baıandady. Jobanyń negizgi erejelerin «Aq jol» Dempartııasy fraksııasynyń múshesi, QR Parlamenti Májilisiniń vıse-spıkeri Danııa Espaeva tanystyrdy.
Memlekettik keńesshi: jańa Konstıtýsııa – ulttyq múddeni kózdeıdi
Talqylaý barysynda partııa tóraǵasynyń orynbasary, Májilis depýtaty Qazybek Isa, Májilis depýtaty Serik Erýbaev, partııanyń parlamenttik fraksııasy apparatynyń basshysy Berik Dúısembınov, «Aq jol» Dempartııasynyń Astana qalalyq fılıalynyń tóraǵasy, máslıhat depýtaty Asqar Smaǵulov, Qyzylorda oblystyq fılıalynyń tóraǵasy, depýtat ári oblystyq máslıhat komıssııasynyń tóraǵasy Baýyrjan Sandybaev, Almaty oblystyq fılıalynyń tóraǵasy Meırash Shynasılova, Qaraǵandy oblystyq fılıalynyń tóraǵasy, oblystyq máslıhat depýtaty Ermek Ábildın, Aqmola oblystyq fılıalynyń tóraǵasy, depýtat ári oblystyq máslıhat komıssııasynyń tóraǵasy Saıat Syzdyqov, Jetisý oblystyq fılıalynyń tóraǵasy, depýtat ári oblystyq máslıhat komıssııasynyń tóraǵasy Ermek Eginbaev jáne taǵy da basqa partııa músheleri sóz sóıledi.
Sóz alǵandar qabyldanyp jatqan sheshimderdiń durystyǵyn dáleldeıtin jeke jumys tájirıbelerimen bólisti (mysaly, «Parlamenttik oppozısııa týraly» zań jobasyn ilgeriletý, Senatty joıý máselesi tóńiregindegi kópjyldyq pikirtalastar, partııalyq tizimder boıynsha saılaýdyń artyqshylyqtary jáne t.b.), sondaı-aq, qoǵamda talqylanyp jatqan konstıtýsııalyq reforma máseleleri boıynsha óz pikirlerin bildirdi.
Ulttyq keńes músheleri Jańa Konstıtýsııa jobasyn biraýyzdan qoldap, redaksııalyq sıpattaǵy birqatar usynystaryn bildirdi. Bul usynystar Konstıtýsııalyq komıssııanyń hatshylyǵyna joldanatyn bolady.
