Halyqaralyq mamandandyrylǵan kórme aıaqtalǵannan keıin eki aı ótkennen soń «Astana EKSPO-2017» Ulttyq kompanııasy qazir Bolashaq energııasynyń murajaıy bolyp tabylatyn «Nur Álem» pavılony, álemdegi 13 eldiń jańǵyrmaly energııa kózderi salasyndaǵy eń úzdik 24 jobasy usynylǵan «Úzdik tájirıbeler aımaǵy», taqyryptyq pavılondar men Qazaqstannyń alǵash zamanaýı óneriniń ortalyǵy ornalasqan ART-ortalyǵy qamtylǵan týrıstik aımaqty kelýshiler úshin resmı túrde ashqany týraly esterińizge salaıyq.
Ashylý rásimine Qazaqstan Respýblıkasynyń Premer-Mınıstri Baqytjan Saǵyntaev qatysty.
Alǵashqy eki kún kelýshiler úshin tegin boldy. Bıletter resmı túrde 14 qarashadan bastap satylatyn bolady. «Nur Álem» pavılonyn, taqyryptyq pavılondardy, «Úzdik tájirıbe aımaǵyn» jáne ART-ortalyǵyn qamtıtyn bılettiń baǵasy 1500 teńgeni quraıdy. UOS qatysýshylaryna, barlyq toptaǵy múgedekterge, jetim balalarǵa, kóp balaly analarǵa jáne 6 jasqa deıingi (qosa alǵanda) balalarǵa kirý tegin. Oqýshylar úshin 500tg, stýdentter úshin 800tg, al zeınetkerler úshin 500tg.
Sonymen qatar, 1 myńǵa jýyq avtokólikke arnalǵan jer asty turaǵy qyzmet etýde, onyń alǵashqy úsh saǵaty tegin, al kelesi saǵattary 100 teńgeden. Jer asty parkıngke T.Rysqulov kóshesinen (ońtústik kireberis) kirýge bolady.
