Qaraǵandy oblysynda áleý­met­tik jáne quqyqtyq kómek kórsetý ortalyǵy ashyldy

Búgingi tańda bul ortalyq res­pýblıka boıynsha balama­sy joq tuńǵysh joba bolyp otyr. Turǵylyqty halyq úshin mańyzy zor mekemeniń bo­lashaqta áleýmettik jáne qu­qyq­tyq kómek qajet ete­tin jandarǵa járdemi mol bolmaq.

Aıtalyq, bul ortalyqtan qyl­mystyq iske kúdiktiler, tar ­qapastan shyqqandar, pro­ba­sııa tizimindegiler, az qam­tyl­ǵan otbasylar, je­tim­der men múm­kindigi shek­teý­li jandar, ot­basylyq zá­bir kórgen názik ja­n­dylar qa­jetti kómek ala alatyn bo­lady. 

Saltanatty rásim barysyn­da 6 tarap áript­estik me­mo­ran­dýmǵa qol qoıdy. Bu­dan bylaı áleýmettik jáne qu­qyq­tyq kómek kórsetý or­ta­lyǵynyń jumysyna aýdan ákimdigi, prokýratýra, ishki ister bólimi, probasııa qyz­meti, qoǵamdyq keńes já­ne aýrýhana jaýapty bol­maq.

Buǵan deıin Nura aýdan­dyq prokýratýrasy basqa da múddeli organdarmen bir­­lesip, qoǵamnyń ál­jý­az top­tar máselesinde, jas­ós­pi­rimder arasynda qu­qyq bu­zýshylyqtyń aldyn alý jo­lynda ata-analar men us­tazdardyń basyn bi­rik­ti­rip, «Áleýmettik sa­q­­shy», «Saqshy ata-ana» at­ty jobalardy júzege asyr­ǵan bolatyn. Endigi ýa­qyt­ta halyqqa qyzmet kór­se­tý or­­talyqtarynda qu­qyq­tyq qyz­­met kórsetý máse­le­le­ri­men «Senim» ortalyǵy aı­na­lyspaq.

Saltanatty sharaǵa aýdan áki­mi Nıqanbaı Omarhanov, aý­dan prokýrory Berik Qa­ra­taev, aýdandyq IIB bas­t­yǵy Bekbolat Zeıtov, aýdan­dyq Qoǵamdyq keńes tóraǵasy Seıilhan Qońyrbaev qa­ty­syp, ortalyqtyń aldaǵy ju­mysy jaıly oılarymen bó­listi.

– «Senim» ortalyǵynyń ashylýy búgingi ómir talaby. Elbasy N.Nazarbaevtyń «100 naq­ty qadam» Ult jos­parynyń 33-qada­myn­da búgin­gi kún talabynan týyn­dap otyrǵan ózekti másele – bas bos­tandyǵynan aıyrý orny­nan bosaǵan jáne synaq­tan ótý qyzmetine tir­kelgen aza­­matt­ar­dy áleý­met­tik ońal­­týdyń tıimdi júıe­sin qa­­­lypqa keltirý ja­ıy aıt­yl­­­ǵan. Bastalyp jat­qan bul ıgi shara Nura aý­dany aza­mat­ta­­rynyń mem­lekettik jáne qu­qyqtyq or­gan­darǵa degen se­nim deń­geı­in arttyrmaq, – deıdi aýdan áki­mi. 

Atalǵan ortalyq jumy­syn bastaǵan kúnnen 15 aza­mat qabyldaýǵa kelip, qa­jet­ti keńesin alǵan. Bul «Senim» or­talyǵyna degen zor senimdi bildirse kerek.

– Ashylǵan ortalyq qyz­me­ti barlyq memlekettik organ­darǵa birlesip, aza­mat­tardyń quqyqtyq máse­le­le­rin sheshýde turaqty túrde, keń aýqymda áleýmettik jáne qu­qyqtyq kómek kórsetý múm­­kindigin beredi. Bul or­ta­lyq arqyly eń ótkir áleý­mettik máseleler der kezinde anyqtalyp, olardy sheshý joldary dereý qarastyrylyp, kómek kór­setiletin bolady. Bul aza­mattarǵa áleýmettik jáne qu­qyqtyq kómek kórsetý tár­ti­bin qoljetimdi etý kórinisi, – deıdi Nura aýdanynyń prokýrory Berik Qarataev. 

Mıras ASAN,
«Egemen Qazaqstan»

Qaraǵandy oblysy,
Nura aýdany