Sonymen qatar, qalalyq, aýyldyq deńgeılerdegi jáne kásiporyndardaǵy Keńesterdiń jumys tájirıbeleri qaralǵan basqosýǵa QHA Tóraǵasynyń orynbasary – Hatshylyq meńgerýshisi D.Myńbaı, QHA Tóraǵasynyń orynbasary S.Vıshnıak, Qazaqstan Kásipodaqtary Federasııasynyń tóraǵasy B.Ábdiraıym, Parlament Májilisiniń depýtattary men QHA Keńesiniń músheleri jáne QHA Ǵylymı-sarapshylyq keńesiniń músheleri, memlekettik organdardyń ókilderi qatysty.
Alqaly keńeste aldymen sóz alǵan QHA Tóraǵasynyń orynbasary – Hatshylyq meńgerýshisi D.Myńbaı el ishindegi Qoǵamdyq keńesterdiń qyzmetin ońtaılandyrý baǵytyndaǵy birqatar máselelerge toqtaldy. Olaı deıtin sebebimiz, sońǵy kezderi kóptegen azamattardyń aryz-shaǵymy negizinde qaralatyn isterdiń kórsetkishi kóńil kónshitpeıdi eken.
«Onyń saldaryn mynadaı salystyrmaly derekterden de baıqaýǵa bolady. Mysaly, Aqmola oblysynda ótken jyly 168 másele aımaqtaǵy Qoǵamdyq keńes qyzmetiniń aralasýymen sheshilgen bolsa, bıyl bar bolǵany 83 qana is talqylanǵan. Mundaı kórsetkish Aqtóbe oblysynda ótken jylǵy 415-ten 276-ǵa bir-aq túsken. Sol sııaqty Almaty oblysynda 540-tan 409-ǵa, Atyraýda 90-nan 55-ke, Soltústik Qazaqstanda 112-den, 99-ǵa deıin azaıyp, Ońtústik Qazaqstan oblysyndaǵy kórsetkishter 634-ten 278-ge deıin kúrt tómendegen. Osyndaı derekterge qarap otyryp, Qazaqstan halqy Assambleıasy janyndaǵy Qoǵamdyq keńesterdiń qyzmetin joǵary baǵalaı almaımyz», dedi D.Myńbaı.
Osylaı degen QHA Tóraǵasynyń orynbasary Qoǵamdyq keńesterdiń aralasýy tıis máselelerdi naqty mysalmen atap kórsetti.
«Máselen, Prezıdent Ákimshiligine Kókshetaý qalasynyń irgesindegi Krasnyı Iаr aýylynyń turǵyny atalǵan eldimekendegi aýrýhana men emhananyń saqtalyp qalýyn sóz etip, hat jazǵan. О́ıtkeni, qaıta qurylymdaý nátıjesinde atalǵan medısınalyq mekeme jabylsa, aýyl turǵyndarynyń qalalyq emhanaǵa tirkelip, sandalýyna týra keledi. Al memlekettik organdar tarapynan azamattarǵa tıisti deńgeıde túsindirý jumystary júrgizilmegen. Aqıqatynda bul másele aımaqtaǵy Qoǵamdyq keńes músheleriniń aralasyp, aınalysýy tıis sharýa edi. Ne sebepten bul jaıt Keńes qyzmetiniń nazarynan tys qalǵan? Jergilikti atqarýshy bılik pen qalyń buqara arasynda dáneker bolýy tıis Keńes músheleriniń mundaı salǵyrttyǵyn kóptep keltirýge bolady», dedi D.Myńbaı.
Alqaly keńes aıasynda osyndaı olqylyqtardyń aldyn alý men el keıbir máselelerdin túıinin tarqatýdyń tetikteri talqylandy. Osy maqsatta «Qoǵamdyq kelisim» RMM mekemesi arqyly qoǵamdyq problemalardy sheshýdiń úsh baǵytta tıptik tólqujaty ázirlenetin boldy. Iаǵnı, máseleniń máni men qabyldanǵan sheshimder jáne qol jetkizilgen nátıjeler baǵytyndaǵy jumystar qolǵa alynbaq. Sondaı-aq, Assambleıa Hatshylyǵy óńirlerde atqarylǵan sharýalar jaıly erkin keste qurý arqyly ár toqsandy qorytyndylamaq.
Qazaqstan Respýblıkasynyń Kásipodaqtar Federasııasynyń tóraǵasy B.Ábdiraıym bolsa, qoǵamdyq máselelerdi ońtaıly sheshý jolynda medıasııa tásilin keńinen qoldanýǵa basymdyq berý qajettigine toqtaldy.
«Kásibı qyzmettik mindetimizdi atqarý barysynda nemese Qoǵamdyq keńes jumysyn jandandyrý baǵytynda osy medıasııa tásili tıimdi dep sanaımyn. Turmys-tirshilikte ár alýan pikir qaıshylyǵy bolýy zańdylyq. Sol sııaqty, túrli daýly máseleler de týyndap jatady. Osyndaı kezderde problemany ýshyqtyrmaı der kezinde taraptardy tatýlastyra alsaq, onda búgingi qoǵamdy ońtaıly iske uıyta alǵan bolar edik. Meıli, ol otbasy oshaq qasyndaǵy sheshimin tabýdy qajet etetin usaq-túıek túıtkilder bolsa da, biz oǵan nemquraıdy qaramaýymyz kerek», dedi B.Ábdiraıym.
Aıta keteıik, jıyn sheńberinde qatysýshylar úshin «QHA Qoǵamdyq kelisim keńesteriniń qyzmetin jetildirý» men «Barlyǵyna arnalǵan medıasııalyq tehnologııalar» trenıngi uıymdastyryldy.
Nurlybek DOSYBAI,
Sýretti túsirgen Erlan OMAROV,
«Egemen Qazaqstan»
