Pasıenttiń byltyrdan bastap júrek qaǵysy jıilep, basy aınalyp, aýyryp, derti jan shydatpaǵan. Naýqasqa ehokardıografııa, EKG holterlik monıtorıng pen zerthanalyq taldaýlar júrgizilgen kezde PQ ıntervalynyń qysqarǵany, elektrlik ımpýlstiń júrekshelerden qarynshalarǵa tym jyldam ótýi, delta-tolqyn men Volf–Parkınson–Ýaıt sındromynyń basqa da belgileri paıda bolǵany anyqtalady. Joǵarydaǵy aýrý belgileri júrekte qosymsha elektr ótkizgish jolynyń paıda bolýynan týyndaıdy.
Pasıentti júrek yrǵaǵy men ótkizgishtiginiń buzylýy bólimshesiniń ıntervensııalyq arıtmologi Baýyrjan Erbolatov teksere kele, oǵan júrekishilik elektrofızıologııalyq zertteý júrgizý, qosymsha elektr jolyn radıojıiliktik ablıasııa ádisimen joıý maqsatynda aýrýhanaǵa jatqyzady.
Medısınadaǵy mundaı klınıkalyq jaǵdaıdyń ereksheligi – qosymsha jol júrektiń negizgi ótkizgishtik júıesine óte jaqyn ornalasqandyqtan, naýqastyń júregi kenetten toqtap qalý qaýpin ulǵaıta túsedi. Sondyqtan zamanaýı 3D-navıgasııalyq júıeniń kómegimen pasıentke tolyq elektroanatomııalyq karta jasalyp, radıojıilikti ablıasııa sátimen júzege asty. Júrektegi keseldi joldyń anatomııalyq ornalasýynyń kúrdeliligine baılanysty operasııa tórt saǵatqa sozyldy.
«Klınıkada júrek yrǵaǵy men ótkizgish júıesiniń buzylysy kezinde qajet bolatyn barlyq hırýrgııalyq operasııalar jasalady. О́ıtkeni bizde ozyq tehnologııalar, sonyń ishinde 3D-kartografııaǵa arnalǵan navıgasııalyq júıeler bar. Sheteldik mamandar turaqty túrde sheberlik sabaqtaryn ótkizip turady. Qazir reseılik maman Sergeı Artemenkonyń qatysýymen kúrdeli júrek aýrýlaryn emdeýge arnalǵan sondaı sabaqtar ótip jatyr. Osy dáristerdiń aıasynda MÁMS esebinen 30 operasııa jasaý josparlanǵan», deıdi bólimshe meńgerýshisi Baǵdat Ahyt.
Oraıy kelip turǵanda KIǴZI qalqansha bezi túıinderin emdeýdiń jańa ádisin qolǵa alǵanyn da aıta ketken jón. Bul bastama naýqastarǵa operasııa ústeline jatpaı, pyshaqqa túspeı-aq saýyǵýǵa jol ashyp otyr. «Qalqansha bezi túıinderin emdeýdegi zaqymy barynsha az tehnologııalar» atty sheberlik sabaǵy aıasynda Ońtústik Koreıadan kelgen professor Hvan Ion Djınmen birge mamandarymyz 6 naýqastyń qalqansha bezine radıojıilikti ablıasııa jasady. Radıojıilikti ablıasııa degenimiz – qalqansha bezi túıinderin hırýrgııalyq operasııasyz emdeýdiń zamanaýı ádisi. Em-dom barysynda radıojıilikti toktyń áserimen qalqansha beziniń saý tinderine zaqym keltirilmeı, patologııalyq jasýshalar joıylady.
Endokrınologterge arnalǵan sheberlik dárisine ilikken 26 jastaǵy eń jas pasıentke qalqansha beziniń oń bóliginde kólemi 4,4 sm bolatyn ýytty emes birtúıindi zob dıagnozy qoıylǵan. Medısınada bul iri túıin dep esepteledi ári moıyn joldaryn qysatyndyqtan, kóp jaǵdaıda hırýrgııalyq emdeýdi talap etedi. 56 jastaǵy Almaty oblysynyń turǵynynan qalqansha beziniń eki bóliginde kólemi 4,3 sm bolatyn ýytty emes kóptúıindi zob anyqtalǵan. Pasıenttiń tynys alýy, jutynýy qıyndap, as, sý ishkende aýyryp, tamaqta bógde zat turǵandaı, jybyrlaý, jótel belgileri mazalaǵan.
Klınıkanyń ıntervensııalyq hırýrgi Arman Ibraev qalqansha bezine jasalatyn ablıasııa narkozsyz júrgiziletinin aıtady. Prosedýra 30 mınýttan asa ýaqytqa sozylýy múmkin, keıde kúrdeliligine qaraı bir saǵattan asady. Alaıda joǵarydaǵy tehnologııamen 20 jyldaı aınalysyp kele jatqan sheteldik professordyń kásibı sheberliginiń arqasynda em-dom sharalary birneshe mınýt ishinde jyldam atqaryldy.
