32 jastaǵy oıynshy bul ataqqa osyǵan deıin 2008, 2013, 2014 jáne 2016 jyldary qol jetkizgen bolatyn. «Altyn dop» sany boıynsha ol endi «Barselona» shabýylshysy Lıonel Messımen teńesti.
Krıshtıaný Ronaldý bıyl «Real» komandasymen birge Ispanııa chempıony atanyp, Chempıondar lıgasynda ekinshi jyl qatarynan top jardy. Sondaı-aq, ÝEFA Sýperkýbogi men Ispanııa Sýperkýbogine qol jetkizdi. Madrıdtikter sapynda 44 oıynǵa qatysyp, 38 goldyń jáne 9 nátıjeli pastyń avtory atandy. Al Chempıondar lıgasynyń ótken maýsymynda 12 gol salyp, úzdik surmergender tiziminde kósh bastaǵan bolatyn.
Portýgalııa ulttyq quramasymen birge irikteý kezeńinde óz tobyn 1-orynmen aıaqtap, 2018 jylǵy álem chempıonatyna joldama aldy. Qurama sapynda bıyl 11 oıynda 11 gol soǵyp, 4 nátıjeli pas shyǵardy.
«Real» shabýylshysy bıyl ÝEFA nusqasy boıynsha Eýropanyń úzdik oıynshysy atanǵan bolatyn. Aıta keterlik taǵy bir jaıt, osy maýsymda Ronaldý Chempıondar lıgasynda kezekti ret rekord jańartty. Ol toptyq kezeńdegi alty kezdesýdiń bárinde gol soqqan alǵashqy oıynshy atandy.
Eske sala keteıik, «Altyn dop» júldesin 2016 jyldan bastap France Football basylymy qaıta tabystaıtyn boldy. Al 2009-2015 jyldary bul FIFA-nyń quziretinde bolǵan. France Football úzdik oıynshy jýrnalısterdiń daýys berýi arqyly anyqtaıdy.
