Qorytyndy esep 4-1. Elorda ujymynyń jeńiske jetýi jankúıerlerge arman bolyp qaldy. Eki kún buryn Chelıabide «Traktor» «Barysty» tas-talqan etip jeńdi. Endi, mine, SSKA hokkeıshilerimizge esh múmkindik qaldyrmady. Bul armııashylardyń qatarynan 11 jeńisi Al bizdiń jeńissiz serııasyna etimiz úırenip qaldy.
Bul oıynda aıdyn ıeleri quramynan Konstantın Okýlov, Maksım Shalýnov, Valerıı Nıchýshkın, Sergeı Shýmakovtar gol soqsa, «Barys» qorǵaýshysy Alekseı Maklıýkov mergendigimen kózge tústi.
Osylaısha, «Barys» sońǵy on oıynnyń toǵyzynda jeńiliske ushyrap, Evgenıı Koreshkovtyń shákirtteri 60 upaımen Shyǵys konferensııasynda segizinshi orynǵa turaqtady.
Kelesi kezdesýin elordanyń komandasy 18 jeltoqsan kúni Bratıslavada Batys konferensııasynda sońǵy oryndardyń birinde kele jatqan jergilikti «Slovan» komandasymen ótkizedi.
Erkebulan Jomart
«Egemen Qazaqstan»
