OSK tóraǵasy Dúnıejúzilik saılaý organdary qaýymdastyǵynyń bas hatshysymen kezdesti

Kezdesý barysynda WEB-ti halyq­ara­lyq úkimettik emes uıym­nan halyq­aralyq úki­metaralyq uıymǵa túr­lendirý, sondaı-aq Qazaq­stan Ortalyq saı­laý ko­mıs­sııasy men Dúnıe­júzilik saı­laý organ­dary qaýym­das­tyǵy ara­syn­daǵy eli­mizdegi saılaýdy bas­qa­rýdy jaqsartý, daýys berý jáne daýystardy sanaý salasyndaǵy yn­ty­maqtastyq má­se­leleri talqylandy.

OSK tóraǵasy Berik Ima­shev Qa­zaq­stannyń Or­­talyq saılaý komıs­sııa­sy 2013 jyldyń qazan aıynan bastap A-WEB-tiń ınstıtýttyq múshesi bolyp tabylatynyn, OSK-nyń atalǵan qaýym­dastyqtyń múshesi bola berýge múddeli ekenin, A-WEB-qa qatysý OSK-nyń jahandyq saılaý pro­sesterine atsaly­sýy­na, demokratııalyq saı­laý ótkizýde oń táji­rıbe jınaqtaýǵa múmkin­dik beretinin aıtty.

A-WEB bas hatshy­sy Iong-Hı Kım qa­ýym­dastyqtyń álemdegi, so­nyń ishinde TMD el­der­indegi oqytý ortalyqtary jelilerin qurý boıynsha jáne Qazaqstandaǵy saılaý úderisterinde IT-teh­nologııalardy paıdalaný jóninde sóz qozǵady.

Sondaı-aq B.Imashev saılaý pro­ses­terin sıfr­ly formatqa kóshirý maq­­satynda (sonyń ishinde saılaýshylar ti­zimi) OSK-nyń «Sıfr­ly Qa­zaq­­stan» mem­lekettik baǵ­darlamasyna qosyl­ǵanyn jetkizdi.

2017 jylǵy maýsymda Qazaqstan Par­lamenti Senatynyń depýtatta­ryn saılaý kezinde tuń­ǵysh ret saılaýshy­lardy elektrondy tirkeý júıesi apro­ba­sııalanǵan bolatyn. Bul daýys berý jáne ony qorytyndylaý prosesiniń ashyqtyǵy men dáldigin qamtamasyz etti.

Kezdesý sońynda ta­raptar ynty­maq­tas­tyq­ty jalǵastyrýǵa jáne tıimdi iskerlik baılanystar ornatýǵa daıyn ekendikterin bildirdi.

Aıta keteıik, A-WEB álemdegi 104 memlekettiń ortalyq saılaý organ­da­ryn biriktiretin ha­lyq­­aralyq uıym bolyp ta­bylady.