Foto: Ashyq derekkóz
Zań jobalary birqatar normalardy «Qazaqstan Respýblıkasyndaǵy saılaý týraly» Konstıtýsııalyq zańǵa sáıkes keltirýge baǵyttalǵan.
«Atap aıtqanda, okrýgtik saılaý komıssııalarynyń múshelerin saılaý jáne bir mandatty okrýg boıynsha saılanǵan máslıhat depýtatyn keri qaıtaryp alǵan jaǵdaıda onyń ókilettigin merziminen buryn toqtatý máseleleri retteledi. Budan bólek, jergilikti ózin-ózi basqarý organdarynyń ınternet-resýrstarynda jergilikti qoǵamdastyq jınalysynyń quramy týraly málimetterdi mindetti túrde jarııalaýdy engizý usynyldy», delingen Májilis habarlamasynda.
Túzetýler arqyly saılaý ótkizý tártibi de jetildiriledi. Atap aıtqanda, kandıdattardyń saılaý qorlarynan tys qarjy nemese basqa da materıaldyq kómek tartqany úshin jaýapkershilikke tartylady.
Saılaýdaǵy jańa erejeler: Bir mezgilde ári depýtat, ári ákim bolýǵa tyıym salynady
Sonymen qatar onlaın-platforma qoldanýshylaryna úgit-nasıhat júrgizý, saılaýaldy debattar men qoǵamdyq pikir saýalnamalarynyń nátıjelerin jáne saılaý boljamdaryn jarııalaý erejelerin buzǵany úshin ákimshilik jaýapkershilik engiziledi.
Nurbolat AMANBEK
