Qazaqstan Respýblıkasy Ulttyq Ulany elimiz Táýelsizdik alǵan kezeńnen bastap, Prezıdent Nursultan Nazarbaevtyń alǵa qoıǵan barlyq maqsat, jobalaryn oryndaýǵa atsalysyp, memleketimizdiń qaýipsizdigi úshin abyroımen qyzmet atqaryp keledi. Halqymyzdyń tynyshtyǵyn saqtaýǵa atsalysýmen qatar, Ulttyq Ulan óskeleń jastardy da Otandy qurmetteýge, týǵan jer men el úshin qas-qaǵym sátti daıyn bolýǵa úıretip, áskerı daıyndyq, oqý-jattyǵý jumystaryn da júrgizýden bir sátke qol úzgen emes.
- 5518 áskerı bólimine shaqyrylǵan 233 jas sarbazdyń deni Qaraǵandy, Batys Qazaqstan, Almaty, Ońtústik Qazaqstan oblystarynan kelgen jastar eken,-dedi QR Ulttyq Ulany «Shyǵys» óńirlik qolbasshylyǵynyń, baspasózben baılanys qyzmetiniń bastyǵy Baǵdat Amangeldi,-Otan aldyndaǵy áskerı boryshymyzdy adaldyqpen atqaramyz, elimizge eńbek etemiz, desti jas sarbazdar ant berý sátinde.
Saltanatty jıynǵa jınalǵan ata-analar, ustazdar, áskerı qyzmetkerler jańa býyn jas ókilderge sát-sapar tiledi.
Raýshan Nuǵmanbekova
Semeı qalasy
