Ulttyq bank tóraǵasy Danııar Aqyshevtyń aıtýynsha, jańa zań jobasynyń maqsaty — Qazaqstannyń Dúnıejúzilik saýda uıymyna kirýi, «Qorǵas» shekara mańy yntymaqtastyǵy halyqaralyq ortalyǵynyń jáne «Astana» halyqaralyq qarjy ortalyǵyn qurý jaǵdaıynda valıýtalyq zańnamanyń josparly ózgerýi.
«Zań jobasynyń basty mindeti – valıýtalyq operasııalardyń statıstıkalyq monıtorıngin qamtýdy keńeıtý jáne Qazaqstan aýmaǵynda shetel valıýtasyn paıdalanýdy qysqartý. Atalǵan normalardy iske asyrý valıýtalyq operasııalar týraly aqparatty taratýdy ulǵaıtady, valıýtalyq baqylaýdyń tıimdiligin arttyrady, onyń ishinde elden aqsha qarajatyn shyǵarýǵa qarsy áreketterdiń tıimdiligin arttyrýǵa jol ashady», — dedi Danııar Aqyshev.
QR Ulttyq bankiniń tóraǵasy negizgi ózgerister retinde mynalardy atap ótti: sheteldik uıymdardyń bólimshelerin rezıdent retinde taný; transshekaralyq sıpattaǵy valıýtalyq operasııalardyń aýqymyn keńeıtý; kapıtaldy shyǵarýǵa baǵyttalǵan operasııalar boıynsha valıýtany baqylaýdy kúsheıtý, sondaı-aq Qazaqstan aýmaǵynda valıýtalyq qundylyqtardyń aınalymyn túsindirý jáne rezıdentter arasynda ruqsat etilgen valıýtalyq operasııalardyń tizbesin anyqtaý. Sonymen qatar Danııar Aqyshev zań jobasynda lıberaldyq valıýtalyq rejımniń qaǵıdalaryn saqtaý qarastyrylǵanyn atap ótti.
«Eshqandaı qataldandyrý joq, bul sharttardy qataldandyrýmen eshqandaı baılanysy joq josparly zań jobasy», — dep túsindirdi Úkimet otyrysynyń qorytyndysy boıynsha jýrnalısterdiń suraqtaryna jaýap bergen QR Ulttyq banki tóraǵasy.
Danııar Aqyshevtiń aıtýynsha, Qazaqstannyń DSU-ǵa kirýinen keıin bólimsheler men ókildikter sanynyń ulǵaıýy kútiledi, bul el ishinde shetel valıýtasyndaǵy tólemderdiń ulǵaıýyna ákeledi, ol ulttyq múddelerge sáıkes kelmeıdi. Osyǵan baılanysty qazaqstandyq kontragentpen sheteldik uıymdar bólimsheleriniń esepterin teńgege aýdarý usynylady. Sonymen birge osy zańnyń engizilýine deıin qol qoıylǵan sharttarǵa qatysty jaǵdaıdyń nasharlaýyna esh sebep joq.
«Zań jobasynyń engizilý merzimi – 2019 jylǵy 1 shilde», — dedi qorytyndylaı kele Danııar Aqyshev.
Qaraý nátıjesi boıynsha usynylǵan zań jobasy biraýyzdan qabyldandy jáne QR Parlamentine jiberiledi.
