Búgin kóktaıǵaq pen qatty daýylǵa baılanysty О́skemendegi mektepterdiń 1-9, Semeıdegi mektepterdiń 1-4 synyp oqýshylaryna sabaq toqtatyldy.
Aımaqtaǵy aýa-raıynyń qolaısyzdyǵynan kólikterdiń joldan shyǵyp ketý faktileri de tirkelýde. Máselen, keshe Rıdderge baǵyt alǵan jolaýshylar avtobýsy Bystrýha aýylynyń mańynda joldan shyǵyp ketip, aýdarylǵan. Oblystyq Tótenshe jaǵdaılar departamentiniń baspasóz qyzmeti avtobýsta 13 jolaýshynyń bolǵanyn, 7 adam zardap shegip, onyń altaýy Glýbokoe aýdanyndaǵy aýrýhanaǵa, avtobýs júrgizýshisi «Medısınalyq apattar ortalyǵy» dárigerleriniń kómegimen О́skemendegi №1 qalalyq aýrýhanaǵa jetkizilgenin habarlady.
Semeıde qatty jel kesirinen qulaǵan aǵash bir jeńil avtokólikti basyp qalǵan. Qalalyq Tótenshe jaǵdaı basqarmasynyń mamandary kólikte adam bolmaǵanyn, eshkimniń zardap shekpegenin málimdedi.
Azamat QASYM,
«Egemen Qazaqstan»
Shyǵys Qazaqstan oblysy
