Ámire Árin: Eldiktiń týyn kótergen týyndy

Jańa kitap jasymyz bar, jasamysymyz bar, Otanymyzdy súıer patrıottardyń kúndelikti paraq­tar basty shyǵarmasyna, baǵyt-baǵ­dar alar shyraǵdanyna aınalýy shart dep esepteımiz. Mundaǵy qaǵı­dat­ty tujyrymdar jastar tárbıe­sin­de, orta jáne joǵary bilim berýde ásirese, mem­le­kettik qyz­met júıesinde keńinen talqyla­nyp, ǵıbratty qaınarǵa alynsa – utqanymyz der edik.

Iá, osy shyǵarmada aıtyl­ǵandaı, biz Elbasymen birge qasıetti jerimizge uıysqan ult­tardy uıytyp, el tatýlyǵyn, túr­li din ókilderiniń ózara túsi­nis­tigin qamtamasyz ettik. Ottan da ystyq Otanymyzdyń ósh­pes shyraǵyn jarqyrata jaǵa bildik. Myń ólip, myń tirilgen ata mu­ramyzdy áspettep, keler ur­paq mıras tutar ulttyq qun­dy­lyqtarymyzdy aıshyq­tadyq. Asý bermes reformalardy aýyz­dyqtap, eldiń turmystyq ál-aýqa­tyn jańa deńgeıge kóterdik, eko­logııaǵa óń berip, demografııa­ny damyttyq. Kóp uzamaı-aq, álem­degi damyǵan otyzdyqty aıtasyz, alǵashqy ondyqtyń kóshine erkin enerimizge bek senemiz. Sebebi elimizde bárimizdiń de zor shabytpen ónimdi eńbek etýimizge barlyq jaǵdaı týǵyzylǵan. Baı-qýatty, taı-tuıaqtymyz. Elbasy tuǵyry – elimizdiń ǵumyry. Biz erteńine úkili úmit artqan baıtaq jurtpyz!

Bul týyndy, túptep kelgende, Elbasymyzdyń azat eli men týǵan halqyna degen perzenttik sheksiz súıispenshiliginiń kórinisi der edik. Eldiń erteńi men keshe­gisi oı-sanasynan bir sátke de shyqpaıtynyn ańǵarasyz. Bul rette aıtar pikirin kez kelgen qolaıly sátte irkilmeı aqtaryp salatyndyǵy da sodan. Atalmysh kitap osy sózimizdiń jandy aıǵaǵy!

Dana halqymyz: «Qudaı jaq­qan shyraqty shaıtan úrlep óshire almaıdy» demeýshi me edi. Myńdaǵan jyldar muǵdarynda menmundalaǵan shyraǵymyz­dyń Táýelsizdik jyldarynda tip­­ten jarqyraı túsýi, sóz joq, elin súıgen, jerin súıgen, janym arym­­nyń sadaǵasy dep Qazaq eli­­­niń keleshegi jolynda ertegi­ge para-par erlik jasap júr­gen Nursultan Ábishulynyń kemeń­­ger­likpen pishilgen kenen saıa­satynyń arqasy! Elbasy­nyń Mek­kedegi Qaǵba qaqpasynyń aldyn­da turyp táýelsiz týǵan halqymdy baqytty ete gór dep úsh márte tilegenin bilemiz. Qudiretti Alla qabyl aldy shyn nıetti. Eńsemiz kóterildi – eldigimizdi qas­terledik. Bedelimiz artty – bás­e­­kelestikke bel býdyq. Sana­myz jańǵyrdy – tarıhymyz­dy ta­ra­zyladyq. Rýhymyz ósti – ha­lyqtyq qalpymyzdy bederledik. 

Avtor Otanymyzdyń sheńbe­rindegi tyndyrylǵan, endi qolǵa sátimen alynyp jatqan shyraıly sharýalardy saýsaqpen sanap turyp dán rıza kúı keshedi. Báriniń aq bastaýynda barsha etnos ókilderi bir atanyń balalaryndaı belsendilik tanytyp otyrǵandyǵyn erekshe tolǵanys ústinde jetkizedi. Rasynda, osynaý shırek ǵasyr memleketimizdiń bar-joǵyn túgendeýmen, ulttyq bolmysymyz ben shekaramyzdy shegendeýmen ótipti. О́zgelermen boı teńestirýdi aıtasyz, ǵasyrlar bo­ıy­na eldigin túzip kelgen kóp memleketterden mereıimiz asyp tústi. 

Kári tarıhtyń arǵy-bergi ıirimderinde álemdi aýzyna qa­rat­qan nebir alpaýyt elderdiń ishten irip, úıindige aınalǵandyǵy sanaly janǵa sabaqtyń tóresi. Elbasymyz kitaptyń ón boıynda qol jetken tolaǵaı tabystarmen qatar oryn alǵan olqylyqtardy, tyń reformalardy júzege asyrý­d­aǵy qazaqstandyqtardyń birligi men berekeli isterin de júrek túbi­ne syr jasyrmastan tolǵaıdy. Naqtyly mysaldar aldyńyzǵa tartylady. Jan dú­nıeńizben berile ılanasyz. Sondaı jasampaz­dyq sherýine mıllıondaǵan zaman­das­tarymyzben birge ózimizdiń de aq­ja­ryla atsalysqanymyzdy maq­tanysh tutamyz! 

Qazaq eliniń jappaı qyryp-joıatyn ıadrolyq alapat qarý­dan óz erkimen bas tartyp, beı­bit­shiliktiń sımvolyna aınalýy, Birikken Ulttar Uıymy Qaýipsizdik Keńesiniń turaqty emes múshesi atanyp, adamzat­tyń aqberen arashashysy beınesi­­ne enýi, sóz joq, myńjyldyqtar tolqynynda túzilgen alǵaýsyz ulttyq qundylyqtarymyzdyń óteýi der edik! 

Búginde dóńgelengen dúnıede shırek mıllıardtan astam túr­kiler tútinin túzý shyǵaryp jatyr desek, solardyń barshasy­nyń kóshbasshysy tuǵyryna túrkitektes memleketter basshylary pátıhasymen Nursultan Nazarbaevtyń kóterilýi márte­be­niń muzart shyńy emes pe?! Keminde tórt myń jyldyqtyń sheńberinde aldynan qus ushyrtyp, jan qaratpaǵan turandyqtardyń qara orman jurtynda bórili baıraqty qolǵa ustap qalýymyz – mıllıondaǵan qandastarymyz shabytynyń shalqary, mereıiniń asqary! Uly qaǵandardyń asyl taqtarynan quryshtaı quıylǵan tól tabıǵatymyz tórinen Máńgilik Eldiń márt oǵlandaryna saı jasyndaı jarqyldaı bilýimiz – Uly Dalanyń ulaǵaty, jasam­pazdyǵymyzdyń jarqyn belgisi! Al Allanyń atqan ár aq tańynda Táýelsizdik shapaǵatyna shomylý – sheksiz baqyt!

Ámire ÁRIN, 
aqyn, Almaty oblystyq «Jetisý» gazetiniń bas redaktory