Partııa músheleri qoǵamdyq qabyldaýlar kezinde el-jurtty tolǵandyryp júrgen áleýmettik-turmystyq máselelerdiń sheshimin tabýǵa umtylady. Mundaıda ýaqyt sozylyp ketse nemese berilgen ýáde, aıtylǵan sóz sol kúıinde qalyp qoısa eń birinshiden partııanyń abyroıyna nuqsan kelýi múmkin. Sondyqtan da fılıalda sóz ben istiń arasynda alshaqtyq bolmaýyn kózdeıtin oılaý júıesi ornyqqan.
О́ńirdegi «Nur Otan» partııasy músheleriniń basym bóligin ekonomıkalyq jaǵynan belsendi qyzmet atqara alatyndar quraıdy. Olardyń bári de aımaqtyń áleýmettik-ekonomıkalyq jáne qoǵamdyq-saıası ómirine belsene aralasyp júr. Táýelsizdik tańymen birge ere kelgen erkin oılaý júıesi, qoǵamdyq qundylyqtarǵa jańasha kózqaras fılıal qyzmetiniń mazmun jaǵynan da, túr jaǵynan da tolyǵa túsýine áserin tıgizgeni baıqalady. Mundaǵy taǵy bir oń baǵyt – «Nur Otannyń» qatarynda tek eń laıyqtylar bolýy kerek degen ustanymnyń ústem túsip otyrǵany. Árıne jyl saıyn belgili bir mólsherde partııa músheleriniń qataryn tolyqtyryp otyrý kerek-aq. Alaıda bul tártip pen talap onyń sapalyq quramyna áserin tıgizbeýi tıis.
Eldiń erteńi – jastar. Búgingi tańda «Nur Otan» partııasy bastamashy bolyp júrgen eldik máselelerdi erteńgi kúnge jalǵaıtyn da búgingi urpaq ókilderi. Sondyqtan da oblystyq fılıal partııa qataryn jastar esebinen ósirýge kóńil bólip otyr. Osy oraıda «Nur Otan» partııasynyń quramyna jańadan qabyldanǵan jastardyń biri, M.Ospanov atyndaǵy Batys Qazaqstan memlekettik ýnıversıtetiniń tórtinshi kýrs stýdenti Nıkıta Kapısyn «Nur Otan» partııasynyń qataryna qabyldaný zor senim, úlken jaýapkershilik, bolashaqqa aıqyn baǵdar ekenin jetkizdi. Al Shalqar aýdandyq murajaıy janyndaǵy bastaýysh partııa uıymynyń tóraıymy Naǵıma Tilenbıeva partııanyń basty tiregi – bastaýysh uıymdar, eger mundaǵy is júıeli jolǵa qoıylsa, bul jaǵdaı tutastaı nurotandyqtar júzege asyratyn san qyrly baǵdarlamalardyń baıypty ári baıandy bola berýine áserin tıgizedi, deıdi.
Temir QUSAIYN,
«Egemen Qazaqstan»
AQTО́BE
