Teńiz sýynyń qyzarýyn onshaqty kún buryn baıqaǵan turǵyndar 6 qańtar kúni onyń naqty qyzyl túske aınalǵanyna alańdady. Ýaqyt óte kele Aqtaý qalasynyń «Shaǵala» qonaq úıi men «Nur plaza» jaǵajaıyna deıingi aımaqta sýdyń qyzarýy kúsheıe túsken. Teńiz jaǵasynda serýendegender bul jaǵdaıdy ekologııalyq ahýalmen baılanystyryp, jaǵada qydyrýdyń, teńiz aýasymen demalýdyń zııandylyǵy týraly oılana bastady, tipti teńiz jaǵasyna kelýshiler qatary sıreı bastady.
Alaıda, mamandar teńiz sýynyń qyzarýynyń ekologııalyq jaǵdaımen baılanysy joq ekendigin aıtýda.
Qystyń jyly bolýy saldarynan sý asty ósimdikteri jappaı kóbeıip, ósip-ónip, teńizdegi jel, daýyl kezinde jaǵaǵa qatty urylýynan qyzarǵan, sondaı-aq ol mańda óndiris oryndary joq, onyń ústine qustar emin-erkin júzip júr, olar sol baldyrlarmen qorektenedi, dep túsindiredi. Mamandar jaǵdaıdy odan ári zertteı túsý úshin sýy qyzarǵan aımaqtan sý, aýa jáne jer synamalaryn aldy.
Turǵyndar teńiz sýynyń qyzarýyn teginnen-tegin emes dep otyr.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
