О́tken jyly atqarylǵan jumys az bolǵan joq. Osy oraıda óńirdegi biregeılik pen kelisimdi nyǵaıtýǵa úles qosqan Jambyl oblysy ákimi apparatynyń «Qoǵamdyq kelisim» mekemesi janynan qurylǵan aqsaqaldar, analar keńesteriniń músheleri men ǵylymı-saraptamalyq top, óńirdegi medıasııa ınstıtýtynyń ókilderi men shyǵarmashylyq ujymdar, sondaı-aq etnomádenı birlestikter jáne «Aqjelken» jastar lıgasynyń belsendileri túrli nomınasııalarmen marapattaldy.
Aıta keteıik, «Qoǵamdyq kelisim» mekemesiniń uıymdastyrýymen ótken «Qaıyrymdy jan – 2017» aksııasynda óńirdegi etnomádenı birlestikter belsendilik tanytqan bolatyn. О́ńirdegi qoǵamdyq birlestikterdiń jetekshileri aksııaǵa kásipkerlerdi tartý arqyly jınalǵan barlyq qarajatty naýqas balalarǵa úlestirgen edi. О́kinishtisi, búginde oblystyq balalar aýrýhanasynda túrli dıagnozben uzaq ýaqyt boıy emdelip jatqan balalar kóp eken. Osyndaı múmkindigi shekteýli 5 búldirshinniń emine 900 myń teńge bólinip, qarajattyń óte muqtaj balalarǵa berilýin qadaǵalaý úshin Assambleıa múshelerinen arnaıy komıssııa da qurylǵan.
Nátıjesinde naýqasynyń dıagnozyna qaraı D.Potapovqa 150 myń, H.Sanahýnǵa 300 myń, al A.Rysbaı men A.Nurmaǵambettiń árqaısysyna em-domy úshin 150 myń teńgeden berildi. Al «Ahyska» túrik etnomádenı birlestiginiń múshesi M.Davrıshev bir ózi 200 myń teńge kóleminde kómek kórsetip, atalǵan aksııaǵa úles qosqan. Ejelden beıbitshilik pen tatýlyqty, birlik pen berekeni tý etken elimizdiń jomart azamattary aldaǵy ýaqyttarda da bul aksııadan qalys qalmaı, balalar baqyty úshin baryn salýǵa daıyn ekenderin jetkizdi.
Hamıt ESAMAN,
«Egemen Qazaqstan»
Jambyl oblysy
