Depýtat qazirgi zamanǵy álemdik ekonomıka adamı resýrstardyń sapasyna degen suranystyń artqanyn aıtty. «Jańa óndirister men trendterdiń paıda bolýy ártúrli elderdiń eńbek naryǵynda tıimdi mamandarǵa suranys týǵyzady» dedi ol.
Osy oraıda kásiporyndardy bilikti kadrlarmen qamtamasyz etý, sarapshylar, ınvestorlar men jobanyń bastamashylary arasynda ózara qarym qatynas ornatý boıynsha G-Global bıznes-portaly halyqaralyq platformasy ázirlendi.
G-Global bıznes-portalynyń halyqaralyq toby saraptamalyq qyzmetter úshin marketpleıs qurýda. Iаǵnı ortalyqtandyrylmaǵan blokcheın hattamalarynda qurylymdalǵan ózara árekettesýdiń túbegeıli jańa platformasy qurylady. G-Global Business Portal platformasynyń mehanızmderi platformalyq ózara árekettesý boıynsha keńesshiler, ekonomıka boıynsha Nobel syılyǵynyń laýreattary Erık Maskın men Alvın Rottyń qatysýymen qurylǵan. 2017 jyldyń qarashasynda G-Global bıznes-portalynyń joba menedjeri Denıs Syro Garvard ýnıversıtetinde Alvın Rotpen jáne Stenford ýnıversıtetinde Erık Maskınmen Estonııadaǵy platformany damytý týraly kelisimsharttarǵa qol qoıdy.
Aıta ketý kerek, ǵalymdardyń Eýrazııalyq ekonomıkalyq klýby Úılestirý keńesiniń tóraǵasy akademık Hanon Barabaner G-Global bıznes-portalynyń ǵylymı jetekshisi. Sondaı aq, OQO daǵy «Ońtústik» aımaqtyq ınvestısııalyq ortalyǵy Qazaqstan Respýblıkasy Prezıdentiniń bastamasy - G-Global jobasy iske asyrýdy qoldaıtyn Ortalyq Azııadaǵy negizgi aımaqtyq seriktes bolyp tabylady.
Ekonomıkanyń naqty sektoryn sıfrlandyrý kezinde adam resýrstaryn basqarý baǵytyndaǵy keńesshi - Sergeı Sergıenko (ChronoBank) bolyp tabylady. Bul oraıda G-Global bıznes-portalynyń jetekshisi Denıs Syro ChronoBank júıesin konsaltıng marketpleıs alańyna biriktirý qajettigin atap ótti.
Esterińizge sala keteıik, token TIME – ChronoBank-tyń eleketrondy aqsha júıesi qyzmetkerdiń naqty tıimdiligin ólsheıdi jáne qyzmetkerdiń kásiporynda paıdasy týraly aqparat beredi.
