Jeti mıllıard dollardyń kelisimderi jasaldy

Kezdesý barysynda «Qazaqstan ame­rıkalyq bıznes úshin úlken áleýetke ıe, álemniń tótenshe mańyzdy aıma­ǵyn­da ornalasqan», dep atap ótti AQSh-tyń Saýda palatasynyń tóraǵasy Tomas Donohıý.

Sondaı-aq jıyn barysynda ame­rıkalyq kapıtaldyń qatysýymen júze­ge asyrylatyn birlesken joba­lar Qazaqstan ekonomıkasynyń ár­túr­li salalaryn qamtıtyny aıtyldy. Osy oraıda is-sharalar barysyn­da avıasııalyq jáne ǵaryshtyq ónerkásip, aýyl sharýashylyǵy, kólik jáne t.b. salalardaǵy jetekshi amerıkalyq kompanııalar – «Chevron Overseas», «W. R. Grace&Co», «GE Transportation Parts LLC», «Pfizer», «John Deere», «Amity Technology», «Global Beef Investments LLP» jáne basqalarymen ın­ves­tısııalyq jáne saýda-ekono­mı­kalyq yn­tymaqtastyq týraly, kommer­sııa­lyq qujattarǵa qol qoıyldy.

Sondaı-aq Memleket basshysynyń «Tórtinshi ónerkásiptik revolıý­sııa jaǵdaıyndaǵy damýdyń jańa múm­kin­dikteri» Joldaýynda kórsetilgen tap­syrmalarǵa sáıkes, respýblıkanyń ekonomıkasyn sıfrlyq baǵytqa kóshi­rý­ge qatysty mámileler jasaldy.

Olardyń ishinde AHQO, «ITP» AKQ jáne «IBM» arasynda Astana Startup HUB IT-tehnoparkiniń bazasynda qarjylyq tehnologııalar boıynsha ın­ký­batordy qurý týraly, «ITP» AKQ já­ne «Global Venture Alliance» arasynda ónerkásipti sıfrlandyrý qoryn qurý týraly, sondaı-aq «GE Digital» jáne «Samuryq-Qazyna» UÁQ» AQ arasynda temir jol kóligin, energetıkany, mu­naı óńdeýdi jáne ekonomıkanyń bas­qa da sektorlaryn sıfrlandyrý jónin­de­gi jobalardy júzege asyrý boıynsha st­­ra­tegııalyq áriptestik týraly keli­sim­der túzildi.

Qazaqstan-Amerıka saýda-ekono­mı­kalyq jáne ınvestısııalyq qarym-qa­tynastaryn odan ári damytýǵa, son­daı-aq eki eldiń iskerlik toptaryn ja­qyn­dastyrýǵa arnalǵan mańyzdy má­selelerdiń biri «Kazakh Invest» bas­qarma tóraǵasy S.Tuıaqbaevtyń AQSh qarjylyq ınstıtýttarymen Jeke­men­shik sheteldik ınvestısııalar korpo­rasııasy (Overseas Private Investment Corporation (OPIC) jáne Oppenhaımer sııaqty AQSh-tyń iri qarjylyq ınstıtýttarymen jalpy somasy 3 mıllıard AQSh dollaryna birlesken ınvestısııalyq jo­balardy jáne saýda operasııalaryn qar­jylandyrý týraly qujattarǵa qol qoıýy boldy.

Sondaı-aq «Oppenheimer» amerı­ka­lyq qorynyń basqarýshy dırektory Pıter Albanomen birge Qazaqstandaǵy jo­balardy qarjylandyrý nemese ınves­tısııa quıý úshin amerıkalyq qar­jy­ ınstıtýttaryn tartý jónindegi ózara túsinistik týraly memorandým jasaldy. Memleket basshysynyń AQSh-qa resmı sapary aıasynda jalpy somasy 7 mıllıard dollar bolatyn kommersııalyq qujattarǵa qol qoıyldy.