Olardyń arasynda Qazaqstan boıynsha «Total» kompanııasynyń vıse-prezıdenti Terrı Darrıgran, «DV» konsaltıngtik kompanııasynyń prezıdenti Dennı Verre jáne «MEDEF International» qaýymdastyǵynyń dırektory Jeraldın Lamble boldy.
Kezdesý barysynda Qazaqstan men Fransııa múddelerin qıystyrý prızmasy arqyly Memleket basshysy Joldaýynyń negizgi baǵyttary talqylandy. Taraptar, ásirese, ekonomıkany sıfrlandyrý, agroónerkásiptik keshen, logıstıkalyq ınfraqurylym, «smart sıtı» salalary jáne bilim berý baǵdarlamalarynda ekijaqty yntymaqtastyqty tereńdetýdiń zor áleýetin atap ótti.
Joldaýdyń mátini Iskerlik keńes hatshylyǵy men kásipkerlik qaýymdastyǵyna kiretin barlyq fransýz kompanııalaryna taldaý jáne Qazaqstannyń jańa maqsattary men mindetterine sáıkes keletin jobalarǵa qatysý boıynsha naqty usynystar ázirleý úshin taratylatyn bolady.
Talqylaýdyń qorytyndysy boıynsha J. Lamble «MEDEF» alańynda Qazaqstanmen yntymaqtastyqqa múddeli orta bıznes ókilderimen dóńgelek ústel uıymdastyrýdy usyndy. Taraptar, sondaı-aq bıznes-ahýaldy jetildirý boıynsha keńes hatshylyǵymen ınvestorlardyń usynystaryn daıyndaý tájirıbesin jalǵastyrýǵa kelisti.
«Egemen-aqparat»
